Wong Uighur

Uyghur

ئۇيغۇر

Gunggung cacah jiwa
Sekitar 10 juta
Tlatah mawa cacah jiwa akèh
Tiongkok (Xinjiang) Pakistan Kazakhstan Kirgizstan Uzbèkistan Mongolia Turki Ruslan
Basa
Uyghur, Basa Tionghoa
Agama
Islam Sunni
Golongan ètnik magepokan
Other Suku bangsa Turkik

Wong-wong Uighur ing pasar Hotan, Xinjiang.

Suku Uighur utawa Uygur, Uigur, Uyghur ( Uyghur: ئۇيغۇر; Hanzi Sederhana: 维吾尔; Hanzi Tradisional: 維吾爾; Pinyin: Wéiwú'ěr) iku minoritas kang resmi ing Républik Rakyat Cina. Suku iki keturunan saka suku kuna Huihe kang ana ing Asia Tengah. Suku iki nggunakake basa Uighur lan agamane Islam.

Saliyane ing Républik Rakyat Cina, suku iki ana uga ing Kazakhstan, Kyrgystan lan Uzbekistan.

Suku Uighur lan suku Hui iku suku kang agamane Islam ing Tiongkok. Nanging ana bedane ing babagan budaya lan gaya uripe. Suku Uighur luwih melu aliran Sufi, yèn suku Hui luwih ngarah ing mazhab Hanafi. Suku Uighur akèh kang manggon ing Xinjiang. Kurang luwih 80% saka suku Uighur ana ing panggon kang arane Tarim Basin.

Glepung gandum, sega lan jagung iku panganan pokoke suku Uighur. Suku Uighur iki seneng masak. Ana warga Uighur kang seneng karo teh susu lan jagung kang diopen utawa cakes kang digawé saka gandum. Ana uga kang wis pinter masak, ya iku nggunakake glepung, gula, ndog, butter lan nyampur daging ing jerone adonan mau. Paluo – sweet rice khas Uyghur – kang dimasak nganggo daging wedhus, gajih wedhus, wortel, kismis, onion, lan sega. Panganan iki dadi masakan kang paling akèh disenengi suku iki. Panganan iki asring dimasak nalika ana acara dina-dina kang jusus, utawa kanggo nyambut tamu.