D'Bagindas

Latar wuri
Asal	Malang, Indonesia
Genre	Pop , Melayu
Taun aktif	2010-sapunika
Label	Trinity Optima Production
Anggota
Bian Mike Dandy Tile

D'Bagindas inggih punika satunggalipun grup musik saking Indonesia ingkang anggotanipun Dian Purnama utawi Tile, Dandy, Michael Christian utawi Mike, lan Beny Rianto utawi Bian. Band punika dipunwiwiti saking idenipun Tile ingkang nembe mireng lagu ingkang dipunripta déning Mike ingkang dipuanggep Tile minangka lagu ingkang brilian. Awit saking punika, kekalihipun lajeng ngejak Dandy kangge damel grup band enggal, senajan kedah gantos aliran saking band aliran metal dados pop melayu. Mike, ingkang ngripta lagu lan nyobi dados vokalisipun ngraos boten saged nyanyikaken lagu kasebat kanthi sae lan lajeng nyobi mados vokalis kangge grup band-ipun. Saking punika, lajeng kepanggih kaliyan Bian, ingkang asalipun saking Malang, ingkang dipundaulat minangka vokalis kanthi karakter vokal dangdut. Kangge album ingkang kapisan, D'Bagindas nyamektakaken 12 lagu, kanthi lagu Apa yang Terjadi ingkang dipunpendhet minangka singel ingkang kapisan. Band punika ngusung lan nggabungaken aliran-aliran musik kados dangdut, keroncong, blues, lan country. Video klip kanggé singel ingkang kapisan dipunsutradarai déning Abimael Gandy kanthi setting griya susun Tanah Abang. Sasampunipun sukses kanthi singel ingkang kapisan, D'Bagindas lajeng ngliris singel nomer kalih kanthi irah-irahan Cinta. D'Bagindas pikantuk kanugrahan minangka grup pop melayu paling saé ing adicara Anugerah Musik Indonesia (AMI) Awards taun 2011 kanthi lagu "Cinta".

Pranala Njawi

(ing basa Indonésia)D'Bagindas