Wulung

Peksi Elang
Klasifikasi ngèlmiah
Karajan:	Animalia
Filum:	Chordata
Klas:	Aves
Ordho:	Accipitriformes
Famili:	Accipitridae
Genera
Pirsani teks

Elang (basa Inggris: eagle) punika salah setunggaling kéwan ingkang wonten ing Indonésia.

Ciri-ciri

Elang punika mlebet kéwan getih panas, gadhah sewiwi lan awak ingkang katutup déning wulu pelepah. Amargi lumebet ing klompok peksi, elang tangkar-tumangkar kanthi cara nigan. Tigannipun kabungkus déning cangkok ingkang atos. Tigan-tigan punika dipunsimpen ing lebet susuh ingkang dipundamel déning elang piyambak. Salajengipun tigan-tigan punika dipunengkremi ngantos netes. Elang njagi anakipun ngantos saged mabur.

Elang punika kéwan pamangsa. Panganan utami elang inggih punika kéwan mamalia alit kados tikus, bajing lan pitik. Wonten sabagéyan elang ingkang nangkep iwak lan dipundadosaken panganan utami. Cucuk elang boten wonten wajanipun nanging nggadhahi wangun béngkong lan kiyat sanget kagem ngoyak daging mangsa. Peksi punika ugi ndarbèni setunggal pasang suku ingkang kiyat/kukuh lan kuku ingkang landhep kanggé nyengkerem mangsa. Elang ugi ndarbèni daya pandelengan ingkang permana kanggé mburu mangsa saking let ingkang tebih.

Elang ndarbèni sistem ambegan ingkang saé lan saged kanggé nyimpen oksigen ingkang kathah. Oksigen punika dipunperloaken wanci mabur. Jantung peksi elang wonten sekawan bilik kados menungsa. Bilik nginggil dipuntepangi kanthi sebutan atrium lan bilik ngandhap dinpuntepangi kanthi sebutan ventrikel.

Jinis-jinis elang

1. Elang Ireng
2. Elang Abrit
3. Elang Jawa