Abang: Béda antara owahan
c éjaan, replaced: yaiku → ya iku (2) using AWB |
c →Kombinasi werna abang (9): éjaan using AWB |
||
Larik 35: | Larik 35: | ||
=== Kombinasi werna abang (9) === |
=== Kombinasi werna abang (9) === |
||
Warna abang bisa dicampur karo werna liyané. Contoné werna abang kang dicampur karo werna [[biru]] dadi werna [[ungu]], yèn dicampur karo werna [[kuning]] dadi werna [[jingga]]. Werna abang isih karinci manèh dadi sawetara (9) |
Warna abang bisa dicampur karo werna liyané. Contoné werna abang kang dicampur karo werna [[biru]] dadi werna [[ungu]], yèn dicampur karo werna [[kuning]] dadi werna [[jingga]]. Werna abang isih karinci manèh dadi sawetara (9) jinis, kanthi jeneng ing [[basa Inggris]],ya iku kaya tabel ing ngisor iki: |
||
{| class="wikitable" |
{| class="wikitable" |
||
!width="100"|[[Werna]] |
!width="100"|[[Werna]] |
Révisi kala 4 Maret 2016 04.26
Kothak iki nuduhaké werna abang. |
---|
Abang utawa basa Jawa krama abrit, iku werna kang kagolong jroning werna primèr (abang, ijo lan biru), kang nduwèni frekuensi cahya paling endhèk kang kasatmata utawa bisa dideleng déning mata manungsa. Cahya abang nduwèni panjang gelombang watara 630-760 nm. Getih kang diwènèhi oksigen dadi awarna abang amarga anané hemoglobin. Cahya abang iku cahya kang pisanan diserep déning banyu segara, saéngga akèh iwak lan invertebrata segara kang werna abang mbranang dadi katon ireng ing sajroning segara, habitat asliné.
Panggunaan, simbolisasi sadina-dina
- Abang iku werna kang anget, contoné panggunaan kanggo nuduhaké dhaérah kang luwih anget ing peta cuaca, utawa kanggo pepènget kang magepokan karo panas. Montor pemadam kobongan identik karo werna abang.
- Werna abang narik kawigatèn, lan sering dipigunakaké kanggo nuduhaké bebaya utawa kahanan darurat
- Abang iku werna kang nglambangaké panas lan geni. Kran kanggo banyu panas biasané diwènèhi tandha utawa label awarna abang.
- Werna abang nuduhaké makna mandheg, contoné ing rambu-rambu STOP, lampu lalu lintas (lampu abang), lampu rem ing buri montor.
- Palang Merah utawa Bulan Sabit Merah nandhakaké personalia mèdhis, fasilitas, utawa kalengkapan, utawa Konvensi Jenewa.
- Werna abang nuduhaké bebaya ekstrim utawa bebaya gedhé ing skala kodhe-werna donya Barat, contoné tanda bebaya utawa Sistem Kaamanan Nagara AS (en: Homeland Security Advisory System).
- Jroning ulah raga bal-balan, kartu abang nandhakaké pelanggaran abot kang ngakibataké pengusiran pemain.
- Jroning ulah raga balapan montor, gendéra abang iku tandha kanggo kabèh montor supaya mandheg. Redline (garis abang) ya iku kacepetan maksimum mesin lan komponen-komponen liyané.
- Pintu darurat ing montor mabur penumpang dituduhaké mawa tandha lan lampu abang.
- Abang iku werna kanggo lambang tresna lair kalawan batin. Werna abang uga nuduhaké kahanan nesu, kaya rai kang mbrabak abang amarga nesu. Nanging werna abang uga nuduhaké rasa isin, upamané amarga digodha utawa digawé isin.
- Identik karo werna getih, mula abang dihubungaké karo déwa perang, Mars, lan planèt semu abang dadi sebutan kanggo planèt Mars.
- Identifikasi Komunisme lan "Sosialis" abang - kanthi gendéra abang dadi werna utama gendéra Uni Soviet lan bintang abang kang dadi emblem utawa lambang Komunis kang digawa jroning frase Perang Dingin minangka "Ancaman Abang" (the Red Menace) lan Tiongkok Abang - kanggo mbédakaké karo Tiongkok Nasionalis.
- Dadi simbolisasi jroning budaya Tionghoa, abang iku werna kabagjan lan dadi werna kanggo busana pernikahan. Duwit jroning masyarakat Tionghoa biasa diwènèhaké jroning amplop abang (angpao)
- Mangsi abang, dianggo nuduhaké utang - uga rugi jroning laporan neraca.
- Ing péta pulitik, werna abang sacara tradisi digunakaké partai pulitik minangka:
- Australia: Partai Buruh Australia
- Kanada: Partai Buruh Kanada
- Jerman: Partai Sosial Demokrasi Jerman lan Partai Sosialis Demokrasi
- Belanda: Partai Sosialis
- Inggris: Partai Buruh
- Amerika Serikat: Partai Republik, sebab iku kanggo sabanjuré nagara-nagara bagéan kang milih Partai Republik dianggep red states (nagara bagéan abang) lan dadi lawané blue states (nagara bagéan biru) kang milih Partai Demokrat (Democratic Party).
- Indonesia: PDI-Perjuangan
- Werna abang uga minangka salah siji werna utama jroning perayaan Natal, saliyané ijo lan putih.
Kombinasi werna abang (9)
Warna abang bisa dicampur karo werna liyané. Contoné werna abang kang dicampur karo werna biru dadi werna ungu, yèn dicampur karo werna kuning dadi werna jingga. Werna abang isih karinci manèh dadi sawetara (9) jinis, kanthi jeneng ing basa Inggris,ya iku kaya tabel ing ngisor iki:
Werna | Jeneng HTML | Heksadesimal |
---|---|---|
IndianRed | #CD5C5C | |
LightCoral | #F08080 | |
Salmon | #FA8072 | |
DarkSalmon | #E9967A | |
LightSalmon | #FFA07A | |
Crimson | #DC143C | |
Red | #FF0000 | |
FireBrick | #B22222 | |
DarkRed | #8B0000 |
Delengen uga