Merriam-Webster

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Merriam-Webster
Merriam-Webster logo.svg
Kumpeni babon Encyclopædia Britannica
Yasa 1831; 188 taun kapungkur (1831)
Kang yasa George Merriam, Charles Merriam
Nagara asal Amérikah Sarékat
Pernah kantor punjer Springfield, Massachusetts
Jinis babaran Buku réferènsi, bausastra onlèn
Kang darbé Britannica
Situs wèb resmi merriam-webster.com

Merriam–Webster, Incorporated iku kumpeni Amérikah kang mbabar buku-buku réferènsi lan mligi kondhang amarga mbabar bausastra.

Ing taun 1828, George lan Charles Merriam yasa kumpeni mawa jeneng G & C Merriam Co. ing Springfield, Massachusetts. Ing taun 1843, sawise Noah Webster séda, kumpeniné nuku hak ciptané An American Dictionary of the English Language (Jawa: Bausastra Inggris Amérikah) duwèké Webster. Awit saka itu, kabèh bausastra Merriam–Webster bisa katurut tekan sumber iki.

Ing taun 1964, Encyclopædia Britannica, Inc. ndhapuk Merriam–Webster, Inc. minangka anak kumpeniné. Jenengé kumpeniné kang saiki wiwit kaanggo ing taun 1982.[1][2]

Leladèn[besut | besut sumber]

Ing taun 1996, Merriam–Webster ngetokaké situs wèb kang kapisan, mawa leladèn aksès gratis menyang bausastra lan dasanama onlèn.[3]

Merriam–Webster uga mbabar bausastra bab sinonim, panganggoning basa Inggris, géyografi (Merriam-Webster's Geographical Dictionary), biyografi, jeneng dhiri, tembung-tembung ing kawruh usada, tembung-tembung ing kawruh ulahraga, slang, Sepanyol/Inggris, lsp. Babaran kang wujud non-bausastra kaya ta Collegiate Thesaurus, Secretarial Handbook, Manual for Writers and Editors, Collegiate Encyclopedia, Encyclopedia of Literature, lan Encyclopedia of World Religions.

Ing tanggal 16 Fèbruwari 2007, Merriam–Webster mbiwara pambabaré bausastra lan dasanama kanggo punsèl kang dikembangaké barengan karo AskMeNow. Konsumèné nganggo leladèn mau saperlu ngaksès dhéfinisi, éjaan, lan sinonim lumantar layang tèks. Ing layanané uga ana Word of the Day (Jawa: Tembung Dina Iki) saka Merriam–Webster lan Open Dictionary (Jawa: Bausastra Binuka), leladèn wiki supaya para lengganan bisa nggawé lan ngirim tembung-tembung anyar saha dhéfinisiné.[4]

Réferènsi[besut | besut sumber]

  1. "Merriam–Webster Dictionary". Encyclopædia Britannica Online. 2015. Dijupuk June 24, 2015. 
  2. "An American Dictionary of the English Language". Encyclopædia Britannica Online. 2015. Dijupuk June 24, 2015. 
  3. Merriam–Webster, merriam-webster.com, Timeline: Merriam–Webster Milestones, dijupuk March 20, 2009 
  4. Trusca, Sorin (February 16, 2007). "AskMeNow and Merriam–Webster Launch Mobile Dictionary". Softpedia. Dijupuk March 14, 2014. 


Pranala njaba[besut | besut sumber]