Meisya Siregar

Saka Wikipédia Jawa, bauwarna mardika basa Jawa
Jump to navigation Jump to search
Meisya Siregar
Meisya siregar 065.jpg
Lair Meisya Najelina Siregar
Pakaryan aktris, model
Taun aktif 1992-sekarang
Bojo Bebi Romeo
Anak Lyrics Syabila Mu Saqeena
Wong tuwa Marsitha Lubis dan Emir Syawal Siregar

Meisya Najelina Siregar (lair ing Bandung, Jawa Barat, 13 April 1979; umur 39 taun) ya iku juru main filem kang asalé saka Indonésia.[1] Meisya Siregar miwiti kariré kanthi dadi modhél, sawisé iku banjur akting ing filem lan sinétron.[1] Meisya dadi anak wadon kang wuragil saka sadulur kang cacahé papat.[1] Meisya anak saka pasangan Marsitha Lubis lan Emir Syawal Siregar.[1] Wong tuwané khawatir yèn anaké dadi bocah tomboi, mbakyu lan ibune banjur daftaraké Meisya Siregar ing lomba-lomba adi busana.[1] Nalika isih sekolah ing Sekolah Dasar, Meisya Siregar kang duwé jeneng dawa Meisya Najelina Siregar iki wis mèlu akèh lomba.[1]

Karir[besut | besut sumber]

Nalika remaja, ya iku ing taun 1992, Meisya njajal mélu lomba pamilihan Top GuestAneka Yess!.[1] Ing kompetisi iki Meisya banjur dadi Juara Berbakat 1992.[1] Setaun sawisé iku, wong wadon iki mèlu lomba kang mirib kaya iku manéh.[1] Meisya mèlu lomba lan éntuk Juara III ‎GADIS Sampul nalika taun 1993.[1] Nalika menang iki akèh tawaran akting kang ngowahi uripé artis kelairan Bandung iki.[1]

Nalika isih sekolah ing SMU, anak wuragil saka papat sadulur iki ditawani kanggo main ing sinétron kang judhul Aladin.[1] Kajaba iku Meisya uga tau diajak penyanyi-penyanyi dadi modhélvideo klip ing lagu kang dinyanyékaké.[1] Meisya uga tau dadi bintang iklan kaya ta iklan Biore, Fuji Image Plaza lan biskuit Danone.‎[1]

Meisya Siregar lulus saka Universitas Padjadjaran.[1] Meisya tau main ing sinétron, wiwit saka sinétron komedi, drama, nganti kolosal.[1] Nanging Meisya ngandharaké yèn ora tau sinau mirunggan babagan akting utawa main filem, lan kabèh aktinge disinaoni kanthi otodidak.[1] Meisya uga duwé karep kanggo njajal aktingé ing layar lebar utawa biyoskup.[1]

Penghargaan[besut | besut sumber]

Penghargaan kang tau diwénéhaké Meisya Siregar.[1]

  • Putri Cilik Matahari
  • Mojang Alit Parahyangan
  • Juara Berbakat Aneka Yess 1992‎
  • Juara III GADIS Sampul 1993‎
  • Tiara Sunsilk 1997‎

Kauripan pribadi[besut | besut sumber]

Sawisé nikah karo Rudy Gusnaldi ing akir taun 2001, Meisya banjur cerai lan mbalik ing katresnané kang lawas ya iku Bebi Romeo. Meisya lan Bebi nikah tanggal 14 Dhésèmber 2005.[2] Meisya nduwé anak wadon kang jenengé Lyrics Syabila Mu Saqeena kang lair tanggal 25 Agustus 2005.[2]

Cathetan suku[besut | besut sumber]

  1. a b c d e f g h i j k l m n o p q r s Biografi singkat Meisya Siregar(dipunundhuh tanggal 8 Juli 2011)
  2. a b Misya Siregar tidak trauma dengan kegagalan rumah tangganya(dipunundhuh tanggal 8 Juli 2011)