Masya lan Bruwang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Masya lan Bruwang
Masha and The Bear logo.png
Pranala jaba
http://mashabear.com/ Website

Masya lan Bruwang ya iku filem seri animasi kang diprodhuksi déning nagara Rusia. Film iki ceritané saka dongèng kanthi irah-irahan Маша и Медведь utawa Masha and the Bear. Serial iki digawé dening Oleg Kuzovkov ing taun 2009 kanthi tanggal rilis 7 Januari. Sing produksi lan didistribusiaké ya iku Animacord Animation Studios. Masha digambarké minangka sawijining bocah wadon kang aktif, grapyak, semanak, sumèh, lan angèl kandanané. Dhèwèké manggon ana ing tengah alas karo kéwan kang dadi tetanggané ya iku babi, asu, wedhus, kang kerep diajak dolanan nanging padha ora gelem. Nalika yén Masya metu saka ngomah, kéwan-kewané padha delik ing kandhangé dhéwé-dhéwé. Mishka, jeneng aran bruwang sing dadi kancané Masha iku minangka bruwang kang sabar, lan asih banget karo Masya. Nanging Masha iku bocah kang nakal lan seneng gawé atine Mishka si Bruwang mangkel.

Paraga[besut | besut sumber]

  • Masya: Bocah wadon umur 3 taun kang lucu, konyol. Omahé ana ing setatsiyun sepur Trans-Siberia kang cedhak ing omahé bruwang. Masha bocah kang lugu,nanging uga duwé jiwa tetulung kang gedhé. Masha asih banget marang Misha.
  • Mishka: Bruwang awerna soklat kang duwé awak gedhé, pensiunan saka pamain sirkus lan milih urip tentrem ing alas nanging uripé ora bisa tentrem nalika Masha teka ning uripé Mishka. Pagawéané saiki ngopeni kebon wortel, woh-wohan, lan jejanganan.
  • Tangga teparone bruwang: truwèlu, srenggala, bajing, landhak lan sapanunggalané. Sing truwèlu senengané nyolongi wortelé bruwang, sing srenggala senengané ngincer isi kulkasé bruwang.
  • Dishka: Minangka bruwang wadon kang dadi cem-cemané Mishka. Racaké senengané gawa payung utawa keranjang kanggo opèk woh-wohan.
  • Dasha: Minangka seduluré Masha kang nganggo kaca mripat biru lan sayak orèn.
  • Panda: Minangka seduluré Mishka saka Cina kang nalika dolan ing omahé Bruwang malah dibeda dening Masha.
  • Pinguin: Seduluré Masya kang omahé ing bawana Antartika.