Masjid Hassan II

Saka Wikipédia Jawa, bauwarna bébas abasa Jawa
Masjid Hassan II, Maroko

Masjid Hassan II inggih punika minangka namaning masjid ingkang dumunung wonten ing wewengkon Casablanca, Maroko. Masjid punika wiwit dipunbangun rikala taun 1980, dipundesain dèning arsitèk saking negara Perancis Michel Pinseau lan dipunbangung dèning Bouygues. Masjid punika dipunsebut-sebut minangka masjid ingkang paling ageng angka 2 ing donya sasampunipun Masjidil Haram wonten ing wewengkon Kota Mekkah. Masjid punika kagungan minaret ingkang paling inggil wonten ing donya kanthi inggil antawis 210 meter (689 kaki) lan kagungan kapasitas 25.000 tiyang. Katambah malih kaliyan pelataran ingkang saged nampung kinten-kinten dumugi angka 80 ewu jemaah.[1]

Pengerjaan[besut | besut sumber]

Masjid Hassan II dipunbangun rikala taun 1986-1993 saperlu mèngeti ambal warsa mendhiang Raja Maroko Hassan II. Masjid Hassan II dipunbangun mèpèt ing arah samudra Atlantik saengga damel katingal kados masjid ingkang wonten ing satengahing laut kados dene sawijining masjid ingkang saestu ing nginggil toya laut. Boten lepat menawi salajengipun masjid punika pikantuk julukan minangka "masjid terapung ingkang paling ageng ing donya". Masjid megah punika sakmenika dados pralambanging kutha Casablanca.[2]

Teknologi ingkang ingkang kaaplikasikaken wonten ing masjid megah punika kanthi mumpangataken tèknologi cahya laser saperlu pencahayaan lan maringi kaendahan piyambak wonten ing wayah ndalu, panganggonan pemanas lantè saperlu ngontrol temperatur ruangan masjid lumantar lantenipun nalika suhu asrep, penggunaan lawang elektrik, rancangan atap ingkang saged dipunbikak lan tutup kanthi migunakaken tèknologi mutakhir lan saperangan lantè masjid migunakaken kaca kandel saengga mungkinaken jemaah sami ningali samudera Atlantik ingkang nyapu wewatunan ing sangandhaping masjid.

Kejawi punika, masjid punika ugi kanthi jangkep kagungan ukuran ingkang ageng sanget kaliyan dekorasi interior ruang salat ingkang ngremenaken, kanthi ukiran tangan para pengukir ingkang panci sampun profesional wonten ing bidangipun, katambah kaliyan dekorasi kasil cetakan semen. Sawijining tim ageng para maestro pengukir wonten ing pekerjakan mligi nangani proyek pembangunan masjid agung punika. Bahan bahan kapilih awujud kayu kayu cedar saking kawasan Atlas, watu pualam saking pegunungan Agadir lan wewatunan granit saking Tafroute.[3]

Langkung saking 6000 seniman maroko dipunpekerjakaken wonten ing proyek pembangunan masjid punika wiwit awal dumugi pungkasaning pembangunan. Kanthi bea proyek dumugi setengah milyar dolar lan saperangan ageng saking dana pembangunan masjid kasebut minangka sumbangan saking rakyat Maroko piyambak.

Cathetan Suku[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Masjid_Hassan_II&oldid=1082404"