Masakan Kadhaton Dinasti Joseon

Saka Wikipédia Jawa, bauwarna bébas abasa Jawa
Masakan Kadhaton Dinasti Joseon
Hangul 조선왕조 궁중요리
Hanja 朝鮮王朝 宮中料理
Alihaksara sing Disampurnakaké Joseon Wangjo Gungjung yori
McCune–Reischauer Chosŏn Wangcho Gungchung yori

Masakan Kadhaton Dinasti Joseon utawi Joseon Wangjo Gungjung Yori inggih punika kulinèr tradisional ingkang dipunkonsumsi déning kulawarga astana Dinasti Joseon, kerajaan ingkang mimpin Korea saking taun 13921910. Kondhangipun kulinèr punika inggil malih nalika pungkasan abad punika. Wonten 12 jinis dhaharan ingkang dipunsajèkaken kalihan sekul lan sop. Sapérangan ageng masakan punika dipunsajèkaken wonten ing piranti khusus ingkang kadamel saking metal perunggu (bangjja). Set masakan, sekul, lan sop dipunwastani sura sarta padatanipun lauk paukipun dipundamel kategori kados wonten ing ngandhap punika :

Mangkok utama[besut | besut sumber]

Sura[besut | besut sumber]

goldongban utawi bibimbap khas astana.

Sura (수라) inggih punika semangkok sekul lan wiji-wijian. Kalih jinis sura ingkang kedah wonten inggih punika sura putih lan abrit.

  • Sura putih (흰수라): beras ingkang dipunmasak tanpa dipuntambah bahan menapa kemawon.
  • Sura merah (홍반): beras ingkang dipunmasak mawi godhogan toya kacang abrit. Kacang abrit punika boten kalebet ing sura.
  • Sura lima biji-bijian (오곡수라): kadamel saking campuran beras putih, beras legi, beras pulen, beras milet, lan kacang abrit.
  • Goldongban (골동반): sekul ingkang dipuncampur kalihan janganan ingkang dipunkukus, daging sapi panggang, lan tigan ingkang dipundadar. Goldongban punika bibimbap astana [1].

Juk, mi-eum lan eun-gi[besut | besut sumber]

Juk (죽), mi-eum (미음), lan eun-gi (응이) punika kados bubur lan limrahipun dipunsajèkaken nalika wayah énjing.

  • Omija eun-gi (오미자응이): bubur bubur saking tuwuhan omija.
  • Sok mi-eum (속미음): bubur ingkang dipundamel saking beras legi, jojoba abrit, oyot ginseng, lan Hwang Oyul.
  • Jatjuk (잣죽): beras ingkang dipunmasak kalihan kacang cemara ingkang dipundamel alus.
  • Haengin-juk (행인죽) : beras ingkang dipunmasak kalihan wiji aprikot ingkang dipundamel alus.
  • Tarak-juk (타락죽): beras ingkang dipunmasak kalihan susu.
  • Jangguk-juk (장국죽): godhogan daging sapi cincang kalihan jamur shiitake.

Guksu[besut | besut sumber]

Guksu utawi myeon punika jinisingmie ingkang dipundamel saking glepung gandum utawi buckwheat.

  • Myeon-shinseollo: Guksu ingkang dipunsajèkaken kalihan duduh kaldu sapi dipuntambah kalihan paeju, peterseli Jepang lan bung.
  • On-myeon: Guksu ingkang dipunsajèkaken kalihan kaldu sapi dipuntambah tigan dadar lan daging sapi panggang.
  • Nan-myeon: Guksu saking glepung gandum ingkang dipunsajèkaken kalihan kaldu sapi.
  • Domi-myeon: Guksu ingkang dipunsajèkakan kalihan campuran daging ikan matahari insang biru,tigan dadar, wiji ginkgo, kacang kenari, bola daging goreng lan kacang cemara ing duduh kaldu sapi.

Mandu lan ddeokguk[besut | besut sumber]

Mandu punika jiaozi ingkang dipungodhog utawi dipun-dang (dipunkukus), Bahan kulit mandu punika kadamel saking glepung gandum lajeng dipunsajèkaken kalihan manéka isi sanès. Tteokguk punika sop kué beras (ddeok)[2].

Hidangan utama[besut | besut sumber]

Tang[besut | besut sumber]

Tang utawi guk punika jinising sup ingkang dipundamel saking godhogan balung garing, usus, lan balung sikil sapi.

  • Malgeun-guk: sup anget lan bening, jinis punika kalebet sup lobak, sup daing sapi, sup miyeok (ganggang laut;Jepang=wakame), sup jamur song-i (jamur cemara matsutake), sup ulam pollock lan sanèsipun.
  • Gom-guk
  • Naeng-guk

Jochi lan gamjeong[besut | besut sumber]

Jochi punika jinis masakan ingkang dipungodhog lan kondhang kanthi nama jjigae. Jjigae ingkang dipunparingi bumbu gochujang dipunsebat gamjeong. Bahan kangge isi jochi padatanipun dhaharan segara : Variasi:

  • Gamjeong kepiting.
  • Gamjeong ketimun.
  • Jochi tiram.
  • Jochi zucchini.
  • Jochi ikan, dan sebagainya.

Jjim lan seon[besut | besut sumber]

Jjim punika godhogan daging-dagingan kalihan janganan. Seon punika godhogan daging-dagingan kalihan janganan lan tahu. Variasi :

  • Jjim ulam kembung fugu.
  • Jjim chamdeom (ulam kakap abrit).
  • JJim ddeok.
  • JJim buntut sapi.
  • Seon tahu.

Pirsani ugi[besut | besut sumber]

Cathetan suku[besut | besut sumber]

  1. ^ (id) Gaya Makanan era Kerajaan Korea, (dipunakses tanggal 2 Maret 2013)
  2. ^ (id) Mandu, (dipunakses tanggal 2 Maret 2013)

Pranala njawi[besut | besut sumber]

Cithakan:Masakan Korea