Marcellino

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Marcellino Lefrand
Marcellino lefrand 070.jpg
LairMarcellino Victor John Lefrand
Pakaryanaktor
Taun aktif1996-sekarang
BojoDewi Rezer
AnakMarcell Brineth Reyney Lefrand

Marcellino Victor John Lefrand (lair ing Manado, 19 Juli 1974; umur 45 taun) kondhang kanthi jeneng Marcellino.[1] Marcellino iku salah sijiné juru main sinétron Indonésia.[1]

Karir[besut | besut sumber]

Jeneng Marcellino wiwit misuwur nalika dhèwèké dadi finalis coverboy "Aneka Ria".[1] Sawisé iku, Marcellino banjur dadi modhel catwalk lan fotomodel.[1] Wiwitan kariré dadi pemeran filem ya iku nalika Marcell dadi bintang ing sinétron laga, kaya ta filem kang judhule Jackie, Jaclyn 1 & 2, Deru Debu (bareng karo Willy Dozan), lan Raja Jalanan.[1] Marcell duwé katrampilan ing seni beladiri judo, malah bapaké tau duwé salah sawijiné dojo.[1] Aksiné ing layar kaca kondhang nalika akting dadi bapaké Lala kang diperanaké karo Marshanda ing sinétron Bidadari.[1] Saliyané Bidadari, Marcell uga tau main ing sinétron kang paling dawa ing Indonésia ya iku sinétron Tersanjung 6.[1]

Lulusan Fakultas Hukum Universitas Sam Ratulangi, Manado, iki uga dadi penyanyi.[2] Marcell tau nggabung ing grup Amartya, bareng karo Anjasmara dan Tia Ivanka.[2] Wiwit taun 2009, Marecellino mulang ing almamateré dadi dhosen Hukum Internasional lan Hukum Kemanusiaan.[2]

Kauripan pribadi[besut | besut sumber]

Marcell nikah karo mantan VJ MTV Indonésia, Dewi Rezer.[1] Marcell wis pacaran karo Dewi Rezer kang suwéné nganti telung taun.[1] Leloroné nikah ing kapel Hotèl Tirta Bali International, Uluwatu, Jimbaran, Bali nalika tanggal 18 Juli 2007.[1] Anak kang sepisanan saka pernikahan iki duwé jeneng Marcell Brineth Reyney Lefrand, kang lair nalika tanggal 21 Dhésèmber 2007 ing Rumah Sakit Puri Cinere.[1]

Cathetan suku[besut | besut sumber]

  1. a b c d e f g h i j k l kapanlagi.com(dipunundhuh tanggal 27 Juli 2011)
  2. a b c thejakartapost.com(dipunundhuh tanggal 27 Juli 2011)