Mallika Sherawat

Saka Wikipédia Jawa, bauwarna mardika basa Jawa
Mallika Sherawat
Mallika at ShaadiSePehle audio release function
LairReema Lamba
Rohtak, Haryana, India
PakaryanAktris
Taun aktif2002–saiki
Sana jaringanhttp://www.mallikasherawatwow.com

Mallika Sherawat (मल्लिका शेरावत, jeneng lairé Reema Lamba), dhèwèké iku aktria lan modhèl saka India.[1] Dhèwèké kondhang dadi bintang modhèl lan uga aktris filem Bollywood, ora mung iku, saiki Mallika olèh jejuluk lan dadi simbol sèx India.[1] Dhebuté dadi bintang diwiwiti liwat panampilané ing vidhéo klip Lak Tunoo, kang disutradarani sutradara Surjit Bindrakhia.[1] Nyusul sawisé iku ing taun 2003 dhèwèké mbintangi filem "Khahish" lan sataun sawisé iku dhèwèké mbintangi filem kang judhulé "Murder".[1] Liwat filem kang judhulé "Murder" iku, dhèwèké olèh bebungah Zee Cine Awards.[1]

Kasuksèsané terus maju, dhèwèké uga olèh kasempatan mainaké peran bebarengan karo bintang Asia, ya iku Jackie Chan, ing filem "The Myth" kang dirilis ing taun 2005.[1] Liwat filem mau, dhèwèké olèh kasempatan tampil ing Cannes Film Festival.[1] Kasempatan terus kabukak kanggo Mallika, kaya ta tawaran main filem kang teka saka sutradara kaliber Oscar, Clint Eastwood ing filem kang judhulé "Unveiled".[1]

Saiki, wanita kang tau nyambut gawé dadi kru pamaburan lan tau palakrama karo juru anggegana iku lagi sibuk anggoné prodhuksi filem-filem, kaya ta ing filem kang judhulé "Guru" kang dirilis ing taun 2007, "Dasavatharam" dirilis ing taun 2007, "Preeti Eke Bhoomi Melide" ing taun 2007, "Aap Ka Suroor - The Real Love Story" ing taun 2007, "Fauj Mein Mauj" ing taun 2007, "Unveiled" ing taun 2007 lan "Welcome" ing taun 2007.[1]

Ing taun 2010, dhèwèké dianggep suksès meranaké wanita ula ing filem kang judhulé "Hiss". Lan kanggo luwih nyuksèsaké filem mau, Mallika sembayang ing kuil Sree Nagaraja ing Mannarasala ing laladan Alappuzha. Kanggo nyuksèsaké filem mau, dhèwèké njaluk restu marang déwa ula.[2] Film mau diprodhuseri déning Govind Menon, prodhuser filem mau uga mèlu ngamping-ampingi Mallika.[2] Kuil Sree Nagaraja ing Mannarasala kalebu salah sawijining lokasi kang minangka filem multibasa iku.[2]

Mennon ngomong manawa "Hiss" bakal diprodhuksi déning Split Image Pictures dirilis ing kabèh nagara 2200 sinéma nalika tanggal 22 Oktober 2010.[2] Sutradarané iku Jennifer Lynch lan Mallika meranaké wanita satengah wong satengah ula.[2] Ing filem mau, Malika mainaké peran bebarengan karo Irrfan Khan lan Divya Dutta.[2]

Cathetan sikil[besut | besut sumber]

  1. a b c d e f g h i BiografiMallika Sherawat diundhuh tanggal 25 Agustus 2011
  2. a b c d e f berita Mallika Sherawat diundhuh tanggal 25 Agustus 2011