Leo Hendrik Baekeland

Saka Wikipédia Jawa, bauwarna bébas abasa Jawa
Leo Hendrik Baekeland

Leo Hendrik Baekeland ya iku penemu plastik.[1] Dhèwèké lair ing Ghent, Belgia, tanggal 14 November 1863.[1] Kulawargane kagolong kulawarga kang mlarat.[1] Kawit isih cilik, dhèwèké dikenal minangka bocah kang pinter lan duwéni semangat sinau.[1] Dhèwèké uga duwéni minat sinau sains.[1] Nalika isih ana ing sekolah menengah, dhèwèké uga melu kursus kimia, fisika, matematika, lan ékonomi ing The Glent Technical School.[1] Nalika umur 16 taun, dhèwèké lulus sekolah menengah lan éntuk beasiswa kanggo nerusake kuliyah ing Universitas Ghent.[1] Dhèwèké nyandhang gelar sarjana nalika umur 19 taun amarga kuliyahe mung telung taun.[1] Ing tau 1884, nalika umur 21 taun, Baekeland wis nyandhang gelar dhoktor sains kanthi biji kang paling apik.[1] Sawise iku, dhèwèké mulang ing universitas Ghent nganti taun 1889. Baekeland duwéni hobi lelungan lan moto. Dhèwèké uga kerep lelungan ana luar negri, kayata Prancis lan Inggris.[1] Nalika taun 1889, Baekeland éntuk beasiswa kanggo sekolah ing Amerika Serikat kang suwene telung taun.[1] Sawise rampung anggone sekolah, dhèwèké netep ana ing Amerika Serikat.[1] Baekeland seneng banget moto, mula dhèwèké nyambut gawé ing perusahaan piranti fotografi.[2] Nalika iku, fotografi isih njagakake cahya srengéngé.[2] Kanggo nyetak gambar negatif film ing dluwang, kudu nggunakake sinar srengéngé.[2] Yen cuacane ora apik, bakal bisa nggangu anggone nyetak foto.[2] Mula Baekeland ngupaya ngrembkake cahya lampu gas kanthi nggunakake cahya gawéan.[2] Kanthi wektu kang ora suwe, dhèwèké bisa gawé kertas foto kang diarani Velok.[2] Tanpa srengéngé, kertas iki bisa digunakake nyetak film.[2] Minangka pengganti sinar srengeng ya iku kanthi nggunakake lampu.[2] Kanggo dukung panemone mau, ing taun 1893, dhèwèké bisa ngedegake pabrik foto kanthi aran Nepera Chemical Company (Perusahaan Kimia Neperaa).[2] Perusahaan mau, ora suwe banjur gagal.[2] Enem taun candhake, dhèwèké adol perusahaane marang George Eastman.[2] Duwite mau digunakake kanggo mbangun sawijining laboratorium ing Yonkers, New York.[2] Sawise nindakake pirang-pirag panaliten, dhèwèké kasil anggone nemokake plastik.[2] Baekeland tinggal donya tanggal 23 Februari 1944 ing Beacon, New York, AS. Minangka ilmuwan, dhèwèké wis matenake 100 panemone.[2]

Cathetan suku[besut | besut sumber]

  1. ^ a b c d e f g h i j k l (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 188]
  2. ^ a b c d e f g h i j k l m n (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 189]