Lempung

Saka Wikipédia Jawa, bauwarna mardika basa Jawa
Jump to navigation Jump to search

Lempung utawa tanah liat iku tembung umum tumrap partikel mineral mawa krangka dhasar silikat kang diameteré kurang saka 4 mikrometer. Lempung ngandhut leburan silika lan/utawa aluminium kang alus. Unsur-unsur iki, silikon, oksigèn, lan aluminum wujud unsur kang paling akèh nyusun kerak bumi. Lempung kadhapur saka prosès pelapukan batuan silika déning asem karbonat lan sapérangan diasilaké saka aktivitas panas bumi.

Lempung mbentuk gumpalan atos nalika garing lan lèngkèt yèn teles kena banyu. Sifat iki ditemtokaké déning jinis mineral lempung kang ndominasi bahané. Mineral lempung digolongaké dhedhasar susunan lapisan oksida silikon lan oksida aluminium kang mbentuk kristalé. Golongan 1:1 duwé lapisan siji oksida silikon lan siji oksida aluminium, sauntara iku golongan 2:1 duwé rong lapis golongan oksida silikon lan sak lapis oksida aluminium. Mineral lempung golongan 2:1 duwé sipat elastis kang kuwat, nyusut nalika garing lan dadi gedhé nalika teles. Amarga perilaku iki sawetara jinis tanah bisa mbentuk kerutan-kerutan utawa "pecah-pecah" yèn wis garing.

Uga delengen[besut | besut sumber]