Latihan Rohani
Latihan Rohani iku buku tuntunan donga lan kontemplasi kang dianggit déning Santo Ignatius Loyola.[1] Buku iki dadi pedoman kanggo para Yesuit ing novisiat kang nglampahi Retrèt Agung. Latihan Rohani diserat déning Ignatius nalika panjenengané laku mertapa ing Manresa. Ignatius piyambak nyerat buku punika kanggé srana mertobat. Khususé kanggo para novis novisiat Yésuit, Retrèt Agung dilakokné ing taun kapisan kanthi katutup sajeroning 30 dina nutuk.[2] Lan ing taun kapindho Retret Agung uga dilakokné manèh nanging kanthi kabukak. Katutup lan kabukak ing kéné maksudé, cara nglakokne gladhèn. Katutup iku digawé kanthi sawutuhé meneng kaya ta tapa. Manawa kabukak maksudé retrèt dilakoni kanthi urip biyasa padinanan. Nanging saiki, Latihan Rohani ora mligi kanggo para Yésuit baé, nanging uga wong-wong sajabané ordho Sarékat Yésus. Pranyata, tarekat suster lan bruder uga para seminaris calon imam projo uga nganggo Latihan Rohani minangka panuntun urip karohanèné. Malah para awam utawa wong sing ora kalebu religius utawa klerus bisa nglakoni Latihan Rohani kanthi panuntuné para Yésuit. Sing paling anyar, Paus malah ngijabahi manawa Latihan Rohani bisa dilakoni déning wong ing njaba Katulik.[3] Ora mung iki malahan ana sapérangan wong atheis kang uga nyoba nglakoni Latihan Rohani
Cathetan suku[besut | besut sumber]
- ↑ Ignatius Loyola (1993). Latihan Rohani St. Ignatius. Yogyakarta: Kanisius.
- ↑ Counsell, Michael. 2000 Years of Prayer, 2004, ISBN 1-85311-623-8 p. 203
- ↑ In the brief Pastoralis officii of 31 July 1548