Laki
Aksara Latin
|
Laki (ꦭꦏꦶ) utawa swami (ꦱ꧀ꦮꦩꦶ) yaiku wong priya sing kèmbèt ing ubungan pakawinan, sing umumé diarani bojo. Hak, tanggung jawab, lan setatus sosial kusus sing digayutaké karo laki bisa abéda kanthi ketara ing macem-macem budaya lan kala sajarah, sing ngilokaké pandengan global babagan peran iki.
Ing akèh pérangan donya, pakawinan monogami héterosèksual ngrupakaké norma sing alaku, nalika laki lan rabi mbentuk unit dhasar sawoh kulawarga. Sistem ukum ing akèh nagara njejegaké monogami lan menging bigami lan poligami. Sacara lawasan, laki asring nyekel pilungguh minangka kepala omah-omah lan panggolèk nafkah utama, peran sing asring dianggep paternalistis (peran bapa). Ananging, dhinamika masarakat modhèren sing terus ngrembaka wis njalari pagingsiran ing peran-peran iki. Wayah iki, sawong laki ora sacara otomatis ditetepaké minangka panggolèk nafkah tunggal, utamané nalika bojoné ngoyak karir sing luwih mbathèni sacara dhedhuwitan. Powahan iki ngilokaké trèn global ing dhinamika powahan peran gèndher lan setruktur kulawarga.
Saliyané iku, istilah "laki" utawa "swami" tetep alaku sawektu sawong priya isih kawin. Ananging, istilah kasebut ora alaku manèh sawisé pakawinan dibubaraké sacara ukum liwat pegatan utawa kamatènan bojoné. Sawisé kamatènan bojoné utawa pegatan, wong priya kasebut diarani dhudha utawa bisa dinyatakaké minangka "tilas laki" saka tilas bojoné. Istilah lan konsèp iki diakoni ing saindenging donya kanthi variasi budaya lan ukum sing mbentuk kakususan ubungan laki-rabi ing sekala global.
Deleng uga
[besut | besut sumber]
 |
Wikicuplik duwé cuplikan ngenani: Laki |
- Rabi panzina
- Laki panzina
- Laki wadon
- Pangedolan laki
- Pagundhikan
- Hipergami
- Poligini
- Poliandri
- Poligami ing Kristen
- Rabi
Rujukan
[besut | besut sumber]Wacan sabanjuré
[besut | besut sumber]- Wedgwood, Hensleigh (1855). "On False Etymologies". Transactions of the Philological Society (6).
- Dina pangregan laki Archived 12 October 2024 at the Wayback Machine. disambut ing dina Setu katelu ing sasi April kanggo ngélingaké kabèh wong supaya nglowongaké sathithik wektu tambahan saben taun kanggo ngrayakaké para priya hébat iki lan kabèh sing ditindakaké minangka laki.
