Jangan tumpang

Saka Wikipédia Jawa, bauwarna mardika basa Jawa
(Kaelih saka Léthok)
Loncat ke navigasi Loncat ke pencarian

Jangan tumpang iku salah sawijining masakan khas Jawa. Adaté jangan tumpang uga karan sambel tumpang. Sambel tumpang akèh ditemoni ing Jawa Wétan. Sambel tumpang rada mirib kaya sambel pecel, nanging bahan kang mligi sambel tumpang saka témpé kang rada bosok. Témpé kang rada bosok ditumbuk alus, dibumboni, dicampur karo santen, lan bahan liya banjur digodhog.

RESÈP SAMBEL TUMPANG

Bahan:

  1. 6 siyung brambang
  2. 3 siyung bawang
  3. 1 séndhok tèh tumbar
  4. 4 lombok abang
  5. 5 lombak cilik
  6. laos sakcukupé
  7. 1 godhong salam
  8. santen

uyah lan gula sakcukupé

témpé kang rada bosok (2 dina sawisé kaanan waras)

Cara nggawé:

  1. Brambang, bawang, lombok abang, témpé digodhog karo banyu 500 ml nganti banyu asat (nyisa sithik), banjur kabèh kasilé godhogan diremet alus karo tumbar (nganggo uleg-uleg)
  2. Tambah santen, laos lan godhong salam dilebokaké, uyah lan gula uga dilebokake sakcukupé, banjur lombok cilik wutuhan dilebokaké, dientèni nganti umup lan bumbu nresep [1].

Cathetan suku[besut | besut sumber]