Kothak ireng

Saka Wikipédia Jawa, bauwarna bébas abasa Jawa
(Dilih saka Kotak ireng)
Kothak ireng

Kothak ireng (saka basa Inggris black box) iku jeneng kelompok sing lumrahé ngrujuk marang sawetara piranti kanggo ngrekam sajeroning transportasi: pangrekam pamaburan (pangrekam data pamaburan lan swara kokpit) sajeroning montor mabur, pangrekam prastawa ing lokomotif sepur, montor lan ing wahana liyané. Kothak ireng lumrahé tegesé parekam data penerbangan utawa (flight data recorder; FDR) lan perekam swara kokpit (cockpit voice recorder; CVR) sajeroning montor mabur.

Mumpangat saka kothak ireng ya iku kanggo ngrekam wicara antarané juru anggegana lan pamandu lalu lintas udara utawa air traffic control (ATC) antarané ngenani kahanan tekanan udara lan kahanan cuaca sajeroning penerbangan. Kothak ireng kapérang dadi rong pérangan ya iku kothak ireng kang didèlèh ing ngarep montor mabur lan ing pérangan mburi utawa buntut montor mabur.

Sanajan jenengé 'kothak ireng', lumrahé warnané abang utawa oranye (jingga). Bab iki supaya panggolèkan kothak ireng bisa luwih gampang nalika montor mabur ngalami kadadéan kacilakan