ꦏ꧀ꦭꦼꦥꦺꦴꦤ꧀
ꦗꦮ
|
 ꦏ꧀ꦭꦼꦥꦺꦴꦤ꧀ | |
| Jinis | ꦗꦗꦤ꧀ꦤꦤ꧀ ꦥꦱꦂ꧈ ꦏꦸꦮꦺ |
|---|---|
| Ajangan | ꦩꦔꦤ꧀ ꦥꦤꦸꦠꦸꦥ꧀ |
| Panggonan asal | ꦆꦤ꧀ꦝꦺꦴꦤꦺꦱꦾ |
| Tlatah utawa praja | ꦗꦮ |
| Hawa ajangan | ꦲꦣꦼꦩ꧀ ꦭꦤ꧀ ꦲꦔꦼꦠ꧀ |
| Woworan pokok | ꦧꦼꦫꦱ꧀ ꦏꦼꦠꦤ꧀ ꦭꦤ꧀ ꦒꦸꦭ |
 Buku masakan: ꦏ꧀ꦭꦼꦥꦺꦴꦤ꧀  Médhia: ꦏ꧀ꦭꦼꦥꦺꦴꦤ꧀ | |
ꦏ꧀ꦭꦼꦥꦺꦴꦤ꧀ ꦪꦲꦶꦏꦸ ꦥꦔꦤ꧀ꦤꦤ꧀ ꦱꦶꦁ ꦩꦶꦱꦸꦮꦸꦂ ꦲꦶꦁ ꦠꦤꦃ ꦗꦮ꧈ ꦏꦁ ꦢꦶꦒꦮꦺ ꦱꦏ ꦒ꧀ꦭꦼꦥꦸꦁ ꦧꦼꦫꦱ꧀ ꦏꦼꦠꦤ꧀ ꦭꦤ꧀ ꦢꦶꦲꦶꦱꦶ ꦒꦸꦭ ꦗꦮ꧉ ꦏ꧀ꦭꦼꦥꦺꦴꦤ꧀ ꦭꦸꦩꦿꦃꦲꦺ ꦩꦸꦁ ꦲꦤ ꦫꦺꦴꦁ ꦮꦼꦂꦤ ꦪꦲꦶꦏꦸ ꦲꦶꦗꦺꦴ ꦭꦤ꧀ ꦥꦸꦠꦶꦃ꧉ ꦏ꧀ꦭꦼꦥꦺꦴꦤ꧀ ꦲꦶꦏꦸ ꦮꦔꦸꦤꦺ ꦧꦸꦤ꧀ꦢꦼꦂ ꦭꦤ꧀ ꦲꦁꦒꦺꦴꦤ꧀ꦤꦺ ꦩꦔꦤ꧀ ꦔꦁꦒꦺꦴ ꦮꦸꦂ ꦲꦸꦠꦮ ꦏ꧀ꦭꦥ ꦏꦁ ꦢꦶꦥꦫꦸꦠ꧀꧉ ꦏ꧀ꦭꦼꦥꦺꦴꦤ꧀ ꦲꦸꦒ ꦏꦊꦧꦸ ꦗꦗꦤ꧀ꦤꦤ꧀ ꦥꦱꦂ꧉
ꦲꦶꦁ ꦱꦸꦩꦠꦿ ꦭꦤ꧀ ꦲꦶꦁ ꦩꦭꦪ꧀ꦱꦾ꧈ ꦏ꧀ꦭꦼꦥꦺꦴꦤ꧀ ꦲꦶꦔꦫꦤ꧀ "ꦲꦺꦴꦤ꧀ꦝꦺ-ꦲꦺꦴꦤ꧀ꦝꦺ"꧈ ꦢꦺꦤꦺ ꦱꦼꦧꦸꦠ꧀ꦠꦤ꧀ ꦲꦶꦏꦶ ꦲꦶꦁ ꦠꦤꦃ ꦗꦮ ꦭꦤ꧀ ꦥꦺꦫꦁꦔꦤ꧀ ꦭꦶꦪ ꦲꦶꦁ ꦆꦤ꧀ꦝꦺꦴꦤꦺꦱꦾ ꦮꦸꦗꦸꦢ꧀ ꦥꦔꦤ꧀ꦤꦤ꧀ ꦱꦶꦁ ꦧꦺꦢ ꦪꦲꦶꦏꦸ ꦥꦔꦤ꧀ꦤꦤ꧀ ꦲꦮꦔꦸꦤ꧀ ꦧꦸꦤ꧀ꦢꦼꦂ ꦲꦸꦒ ꦏꦒꦮꦺ ꦱꦏ ꦒ꧀ꦭꦼꦥꦸꦁꦧꦼꦫꦱ꧀ ꦲꦶꦱꦶ ꦗ꧀ꦭꦢꦿꦺꦤ꧀ꦤꦤ꧀ ꦏꦕꦁ ꦲꦶꦗꦺꦴ ꦭꦤ꧀ ꦏꦸꦭꦶꦠ꧀ꦠꦺ ꦢꦶꦮꦸꦮꦸꦂꦫꦶ ꦮꦶꦗꦺꦤ꧀꧉ ꦥꦿꦧꦺꦢꦤ꧀ ꦥꦚꦼꦧꦸꦠ꧀ꦠꦤ꧀ ꦲꦤ꧀ꦠꦫ ꦲꦶꦁ ꦗꦮ ꦭꦤ꧀ ꦱꦸꦩꦠꦿ-ꦩꦭꦪ꧀ꦱꦾ ꦲꦶꦏꦶ ꦏꦼꦉꦥ꧀ ꦢꦢꦶ ꦗꦭꦫꦤ꧀ ꦱꦭꦃ ꦥꦲꦩ꧀꧉ ꦏ꧀ꦭꦼꦥꦺꦴꦤ꧀ ꦧꦶꦪꦱ ꦢꦶꦢꦺꦴꦭ꧀ ꦧꦼꦧꦉꦁꦔꦤ꧀ ꦏꦫꦺꦴ ꦒꦼꦛꦸꦏ꧀ ꦭꦤ꧀ ꦕꦼꦤꦶꦭ꧀ (ꦲꦸꦒ ꦲꦶꦔꦫꦤ꧀ ꦕꦼꦠꦶꦭ꧀) ꦩꦶꦤꦁꦏ ꦗꦗꦤ꧀ꦤꦤ꧀ ꦲꦶꦁ ꦮꦪꦃ ꦲꦺꦱꦸꦏ꧀ ꦲꦸꦠꦮ ꦱꦺꦴꦫꦺ꧉ ꦮꦼꦂꦤ ꦏ꧀ꦭꦼꦥꦺꦴꦤ꧀ ꦭꦸꦩꦿꦃꦲꦺ ꦥꦸꦠꦶꦃ ꦲꦸꦠꦮ ꦲꦶꦗꦺꦴ ꦒꦸꦩꦤ꧀ꦠꦸꦁ ꦱꦼꦭꦺꦫ꧉ ꦏ꧀ꦭꦼꦥꦺꦴꦤ꧀ ꦏꦤ꧀ꦛꦶ ꦮꦂꦤ ꦲꦶꦗꦺꦴ꧈ ꦥꦼꦂꦭꦸ ꦠꦩ꧀ꦧꦃꦲꦤ꧀ ꦧꦲꦤ꧀ ꦥꦼꦮꦂꦤ ꦲꦭꦩꦶ ꦱꦏ ꦒꦺꦴꦣꦺꦴꦁ ꦱꦸꦗꦶ ꦲꦸꦠꦮ ꦒꦺꦴꦣꦺꦴꦁ ꦥꦤ꧀ꦝꦤ꧀꧉
ꦕꦫꦤꦺ ꦔ꧀ꦒꦮꦺ ꦏ꧀ꦭꦼꦥꦺꦴꦤ꧀:[besut | besut sumber]
- ꦒꦸꦭ ꦥꦱꦶꦂ ꦢꦶꦕꦩ꧀ꦥꦸꦂ ꦏꦫꦺꦴ ꦧꦚꦸ ꦒꦺꦴꦣꦺꦴꦁ ꦱꦸꦗꦶ꧈ ꦲꦸꦪꦃ꧈ ꦩꦼꦂꦠꦺꦒ꧈ ꦧꦚꦸ꧈ ꦭꦤ꧀ ꦒ꧀ꦭꦼꦥꦸꦁ ꦧꦼꦫꦱ꧀ ꦏꦼꦠꦤ꧀꧉
- ꦗ꧀ꦭꦢꦿꦺꦤ꧀ꦤꦤ꧀ ꦲꦶꦏꦸ ꦢꦶꦕꦩ꧀ꦥꦸꦂ ꦔꦤ꧀ꦠꦶ ꦏꦭꦶꦱ꧀꧉
- ꦧꦚ꧀ꦗꦸꦂ ꦢꦶꦒꦮꦺ ꦧꦸꦤ꧀ꦢꦼꦂ-ꦧꦸꦤ꧀ꦢꦼꦂ꧈ ꦢꦶꦒꦺꦥꦺꦁꦔꦏꦺ꧈ ꦢꦶꦲꦶꦱꦺꦤ꧀ꦤꦶ ꦒꦸꦭ ꦗꦮ꧈ ꦭꦤ꧀ ꦢꦶꦧꦸꦤ꧀ꦢꦼꦂ-ꦧꦸꦤ꧀ꦢꦼꦂ ꦩꦤꦺꦃ꧉
- ꦱꦮꦶꦱ꧀ꦱꦺ ꦫꦩ꧀ꦥꦸꦁ ꦢꦶꦒꦮꦺ ꦧꦸꦤ꧀ꦢꦼꦂ-ꦧꦸꦤ꧀ꦢꦼꦂ꧈ ꦧꦚ꧀ꦗꦸꦂ ꦢꦶꦒꦺꦴꦣꦺꦴꦒ꧀ ꦔꦁꦒꦺꦴ ꦧꦚꦸ ꦏꦁ ꦮꦶꦱ꧀ ꦲꦸꦩꦸꦧ꧀ ꦔꦤ꧀ꦠꦶ ꦗ꧀ꦭꦢꦿꦺꦤ꧀ꦤꦤ꧀ ꦲꦶꦏꦸ ꦩꦸꦩ꧀ꦧꦸꦭ꧀ ꦩꦼꦤ꧀ꦝꦸꦮꦸꦂ꧉
- ꦪꦺꦤ꧀ ꦮꦶꦱ꧀ ꦩꦸꦩ꧀ꦧꦸꦭ꧀ ꦧꦚ꧀ꦗꦸꦂ ꦢꦶꦲꦼꦤ꧀ꦠꦱ꧀꧉
- ꦕꦫꦤꦺ ꦚꦗꦶꦏꦏꦺ ꦪꦲꦶꦏꦸ ꦗ꧀ꦭꦢꦿꦺꦤ꧀ꦤꦤ꧀ ꦏꦁ ꦮꦶꦱ꧀ ꦩꦠꦼꦁ ꦢꦶꦮꦣꦃꦲꦶ ꦭꦤ꧀ ꦢꦶꦠꦠ ꦲꦶꦁ ꦥꦶꦫꦶꦁ꧈ ꦧꦚꦩꦗꦸꦂ ꦢꦶꦮꦺꦤꦺꦃꦲꦶ ꦥꦫꦸꦠ꧀ꦠꦤ꧀ ꦏ꧀ꦭꦥ꧉
- ꦏ꧀ꦭꦼꦥꦺꦴꦤ꧀ ꦮꦶꦱ꧀ ꦱꦶꦪꦥ꧀ ꦢꦶꦣꦲꦂ꧉
