Kerak bumi

Saka Wikipédia Jawa, bauwarna bébas abasa Jawa
Gambar lapisan-lapisan bumi

Kerak bumi iku lapisan paling njaba planet bumi sing kasusun saka pirang-pirang lèmpèng téktonik. Lapisan iki ana 2 wujudé ya iku kerak/lèmpèng samudra lan lèmpèng bawana. Lèmpèng samudra iku umumé luwih tipis tinimbang lèmpèng bawana. Lèmpèng-lèmpèng téktonik iku obah terus, siji lan sijiné padha tubruk-tubrukan. Kerak bumi iku lapisan bagéyan bumi sing paling dhuwur dhéwé.[1] Bagéyan kerak bumi iku subur amarga ngandhut lemah humus kang akèh sing gawé tanduran thukul subur. Kerak bumi iku adem lan padet ngapung ing dhuwur lapisan mantel sing awujud cair liat.[2]

Tumpukan kerak bumi katebelane udakara 5-7 kilometer saka ngisor samudra lan 30-80 kilometer ing ngisor daratan bawana.[3] Ing ngisor kerak bumi ana selubung kang sifate lembek. Batas tumpukan kerak bumi karo lapisan selubung ditemukake marang ilmuwan saka Nagara Kroasia jenenge Andrija Mohorovicic tahun 1909.[3]

Kerak Bumi saged disebat crust. Tumpukan kerak bumi iki kang ana ing bagian paling luar sing katebelane 6-50 kilometer.[2] Kandelé tumpukan iki ora pada ing panggonan liyane, ing bawana tebel tumpukan 20-50 kilometer, ing samudra 0-5 kilometer utawa bebarengan karo banyu kang saka dhuwur udakara 6-12 kilometer.[2]

Kerak bumi kang kasusun saka materi-materi padet sing kaya silium lan uluminium. Kerak bumi dibagi dadi 2 bagiyan, ya iku:

  1. Lapisan Granitis ya iku lapisan sing kaya watu granit, lapisan iki uga boten ditemuake ing dasar samudra.[2]
  2. Lapisan Basaltis ya iku lapisan sing duwé material basalt[2]

Kerak bumi saged owah saka asale lan uga bisa dadi bencana alam kanggo makhluk hidup. Miturut, kasimpulan para peneliti saka tim Géologi Bandung ya iku geseranipun kerak bumi ing Fatuleu uga terus dadi kanyatan. Kanthi mungkinake kadaden putusan kang gedhe sing bisa dadi wewengkon Kabupatèn Kupang kabelah dadi loro bageyan.[4]

Mupangat kerak bumi[besut | besut sumber]

mupangat kerak bumi ya iku saka watu kang diasilake saka jero kerak bumi iki. Watu-watu sing ana ing kerak bumi, miturut kahanane kabentuk saged dikelompokake dadi telu, ya iku:

  • Watu endapan (sedimen), ya iku watu asil pangendapan material-material alus sing digawa karo banyu kali, sateruse diendapke ing ngisor samudra. Tambah suwe watu kasebut madet lan dadi watu.[3]
  • Watu beku (igneous), ya iku watu kang kabentuk saka magma sing dadi adem lan dadi atos. Watu iki kabentuk sakjalur pinggir lempeng lan ing laladan panas kang asilake magma.[3]
  • Watu malihan (metamorf), ya iku watu kang kabentuk saka desekan lan kahanan suhu sing dhuwur. Desekan lan suhu kang dhuwur iku saged mampetake lan ngremukake watu kang wis ana sadurunge, wujude watu beku utawa watu endapan.[3]

Rujukan[besut | besut sumber]

  1. ^ Azmiyawati, Choiril. 2008. IPA 5. Jakarta: Pusat Perbukuan Departemen Pendidikan Nasional.
  2. ^ a b c d e (id)Mengenal Struktur Lapisan Bumi(kaunduh 8 Juni 2012)
  3. ^ a b c d e (id)Lapisan Kerak Bumi (kaunduh 9 Juni 2012)
  4. ^ (id)Patahan Kerak Bumi Ancam Warga Kupang (kaunduh 9 Juni 2012)


Sumber artikel punika saking kaca situs web: "https://jv.wikipedia.org/w/index.php?title=Kerak_bumi&oldid=1054345"