Kenong japan
Kenong japan ya iku waditra sing wis rada beli lazim dienggep minangka penjangkep baku gamelan ning jaman sekien[1]. Sanajan wis beli lazim, jaman sekien waditra iki sok ngelengkepi gamelan gedhé atawa ageng[1]. Kenong japan biasaé sok disedianang minangka penjangkep gamelan upacara atawa gamelan pakurmatan. Waditra kenong japan mirunggan mung dienggo kanggo ngiring gendhing lancaran gangsaran tawa gendhing séjén kang sejenis[1]. Kenong japan ana disedianang rong macem, déwék-déwék ana laras sléndro lan pélog. Loroané ditala ning nada limang oktaf isor. Warna swara kenong japana rada anéh atawa asing lan sebab iku baka dienggo swara bakal kerasa dominan[2]. Iki diakibatnang amarga bentuk fisiké kang relatip gedé nemen baka dibandingnang karo kenong séjéné[1]. Kenong japan iku ditabuh ning pérangan pencué karo piranti penabuh kang dhapuré gada gedé lan dawa. Ujungé dililitnang tali lan kain.