Kecubung

Saka Wikipédia Jawa, bauwarna bébas abasa Jawa
(Dilih saka Kembang Kecubung)
Kecubung
'Fastulosa'
Klasifikasi èlmiah
Krajan: Plantae
(unranked): Angiospermae
(unranked): Eudicots
(unranked): Asterids
Ordo: Solanales
Kulawarga: Solanaceae
Marga: Datura
Jinis: D. metel
Jeneng binomial
Datura metel

Kecubung iku tetanduran sing klebu kulawarga Solanaceae, sakerabat karo terong lan kenthang. Kecubung biasané kembangé putih lan ungu, nanging hibridané ngembang anéka warna. Diprakirakaké tetanduran iki pisanan dipigunakaké minangka obat-obat ing abad kaping sepuluh. Kecubung ana sing asalé saka Asia Kidul-Wétan, nanging ana uga sing asalé saka Bawana Amérika.

Kecubung urip ing papan sing iklimé panas, lan dikultivasi ing saindhenging wilahan donnya amarga zat kimia sing dikandhung lan uga kanggo tetanduran hias. Pisanan ditepungaké déning Linnaeus ing taun 1753, nanging sacara botanis isih durung pas ngenani gambaran lan panjlasan bab kecubung. Wewengkon asal sing dadi sumber tetanduran iki ora bisa dingertèni sacara temenan.[1]

Réferènsi[besut | besut sumber]

  1. ^ Preissel, Ulrike; Hans-Georg Preissel (2002). Brugmansia and Datura: Angel's Trumpets and Thorn Apples. Buffalo, New York: Firefly Books. kk. 120–123. ISBN 1-55209-598-3.  Cite nganggo paramèter lawas |coauthors= (pitulung)

Pranala njaba[besut | besut sumber]

Médhia magepokan Kecubung ing Wikimédia Commons

Sumber artikel punika saking kaca situs web: "https://jv.wikipedia.org/w/index.php?title=Kecubung&oldid=1038626"