Pundhong, Bantul

Saka Wikipédia Jawa, bauwarna bébas abasa Jawa
Pundong
Kacamatan
Nagara  Indonésia
Propinsi Daerah Istimewa Yogyakarta
Kabupatèn Bantul
Pamaréntahan
 • Camat Drs. Boby Setiawan
Jembar 23,68 km²
Cacah padunung 32.887
Kapadhetan /km²

Pundong iku kacamatan ing kabupatèn Bantul, Daerah Istimewa Yogyakarta, Indonésia.Kacamatan Pundong papanipun wonten ing sisih kidul Kabupatèn Bantul tebihipun 10 km sarta tebih saking kuta Provinsi Daerah Istimewa Yogyakarta kirang langkung 18 km. Papan astronomis wonten ing 07º 57’ Lintang kidul lan 110º 20’ Bujur wétan.

Wewengkon[besut | besut sumber]

  1. Sisih lor: Dalan Parangtritis, lan Kacamatan Jetis
  2. Sisih wétan: Kali Opak, lan Kacamatan Imogiri
  3. Sisih kidul: arga Sewu, Kacamatan Kretek, Kacamatan panggang, lan Kacamatan Purwosari
  4. Sisih kulon: Kali Winongo cilik, Dalan Parangtritis, lan Kacamatan Bambanglipuro
  • Kuta Kacamatan Pundong

Kuta Kacamatan Pundong wonten ing dhusun Bodowaluh, Piring, Pundong, Tangkil, Baran, Menang,lan Kembangkerep.Kantor kacamatan wonten ing Dusun Piring, Désa Srihardono.

  • Kawontenan papan

Kawontenan papan ing Pundong rata, ing sisih kidul wonten arga nanging boten wonten patai, inggilipun 10 mil saking rerataning samudra.Siti pundong kagolong siti ingkang loh jinawi

  • Kawontenan lepen

Kacamatan Pundong dipunlangkungi lepen Opak ingkang pucukipun wonten pasisir Parangtritis nyigar désa Srihardono, Désa Seloharjo, lan Désa Panjangrejo,Ing désa Srihardono dipunlangkungi kali winongo ingkang mbatesi kacamatan Pundong kaliyan Kacamatan Bambanglipuro.

  • Jarjaring Mergi lan Transportasi

Kacamatan Pundong dipunlangkungi kalih margi angeng, kapisan margi sisih wétan ngubungaken Parangtritis-Yogyakarta nglewati Imogiri, margi punika kagolong sepi, kapindho wonten ing sisih kulon ngubungaken Parangtritis-Yogyakarta namanipun margi parangtritis, Mergi punika kagolong regeng lan kathah kacilakan. Mergi saking Sempalan Pundong-Pasar Pundong dumugi gunung puyuh lan Klegen-Pasar Pundong dumugi Canden kagolong margi vital kanggé warga Pundong. Wonten satunggal jalur Bis cilik ngliwati Pundong inggih punika Jalur Bantul-Bakulan-Canden-Pundong dumugi Gunung Puyuh.

Babat[besut | besut sumber]

Saking jaman londo, Pundong didadosaken wewengkon tetanen. Wonten pungkasan abad 18, londo ndamel pabrik gendis dinamani Pabik Gendis Pundong. Boten namung punika londo ndamel sarana rel kreta, stanplat, lan stasiun. Rumiyin, Pundong dados pemandheke kreta pungkasan wonten ing Bantul karang (sapunika Kabupatèn Bantul). Griya Walanda kathah kadamel wonten abad punika kaya ta ing wewengkon pabrik gula (sapunika SMA N 1 Pundong), wewengkon prapatan pundong (sapunika KUD Tani Rejo) lan wétan Peken Pundong ingkang dados gudang garem (sapunika dados rumah pribadi). Abad 19 pabrik gendhis gadahane londo tuna. Pungkasanipun sadaya sarana boten kanggé maleh. Wonten jaman Jepang Rel kreta kathah ingkang dipunpindah dhateng Thailand dingge wesi buk. Pungkasan abad 19 pundong dipunterjang banjir ageng akibat luapane kaliopak. Ewonan griya karendem banjir lan risak. Rikala samanten, Sri Sultan Hamengkubuwono IX nggagas ndamel tanggul ageng wonten sisih pinggir lepen opak. Saksampunipun tanggul dados, wewengkon pundong bébas saking banjir. Ssaksampunipun kamardikan Indonésia, Kesultanan Ngayogyokarta nglebur kaliyan NKRI. Bab punika njalari pambagian wewengkon kabupatèn, kacamatan lan désa. Wiwitanipun Kacamatan Pundong lan kretek dados kacamatan anyar naminipun Kacamatan Kretek, nanging jaman orde baru, wewengkon Pundong misah saking Kacamatan Kretek lan kadamel Kacamatan Pundong. Wonten taun 2006, dinten sebtu 27 Mèi 2006. Yogyakarta lan kiwo-tengenipun dipungoncang lindhu 6,2 sekala richter. Salah sijinipun wewengkon ingkas saestu risak diterjang lindu inggih punika Pundong. Ewonan nyawa kadudut sarta kathah griya ingkang risak sanget. Bab punika dipunjalari groposipun siti lan cedhak saking sesar Opak. kagem nyaeaken kahanan dibetahaken 2 taun. Taun 2008, wonten ing sisa pabrik gendhis, dipunyasa Pusat Rehabilitasi Terpadu Penyandang Cacat. Griyo rehab punika dipunkhususaken kanggé bebana lindu.

Pranala njaba[besut | besut sumber]

Cithakan:Kacamatan Pundong