Kategori:Adipusaka Project

iturut pasal 4 UU Nomer 11 Taun 2010 babagan cagar budaya, cakupan anggoné nguri-uri yaiku pangreksan, pangrembakan, lan kapigunan. Nanging anané cagar budaya nganti sepréné isih kurang dimangertèni déning masarakat. Généya ana, kawruhing masarakat babagan cagar budaya kang katon yaiku citra kang ala, kaya ta kuna, kumuh, reged, angker, utawa kahanan liya kang sekirané ora narik kawigatèn. Pambudidaya anggoné nglesatrèkaké cagar budaya ing Indhonésia pancèn mbutuhaké patembayatan bebarengan, ngèlingi yèn isih akèh warisan budaya kang durung katetepaké minangka cagar budaya.

Adhedhasar rèng-rèngan kang diperkolèh saka Kamantrèn Wiyata lan Kabudayan (Kementerian Pendidikan dan Kebudayaan), Pamaréntah Kabupatèn Sléman wis netepaké objèk cagar budaya, yaiku:

• Hasil pencatatan Dinas Kebudayaan (Kundha Kabudayan) Kabupaten Sleman.
• Pengkategorian Direktorat Pelestarian Cagar Budaya dan Permuseuman (kanthi ngetik tembung kunci: "Sleman").
• Kaca pratélaning artikel Wikipédia basa Jawa bab cagar budaya ing laladan Kabupatèn Sléman bisa dideleng lumantar pranala iki.

Cagar budaya iku mau wus kacathet minangka pérangan parumatané instansi ginayut. Éwa semono, artikel bab cagar budaya ing Kabupatèn Sléman kang ana ing Wikipédia basa Jawa lan Wikipédia basa Indhonésia iku gunggungé isih winates. Lumantar asiling pakaryan iki, masarakat kaajap bisa luwih gampang anggoné ngaksès, lan anané dhokumèntasi iki bisa dadi sarana kanggo mèlu awèh pasumbang anggoné nguri-uri lan nepungaké warisan budaya ing Kabupatèn Sléman marang brayat agung, mliginé para kadang tumaruna.

Katégori iki ora dituduhaké saka kaca-kaca anggotané kajaba préferènsi naraguna dipasaké supaya iki muncul.