Kasultanan Samudra Pasai

Saka Wikipédia Jawa, bauwarna bébas abasa Jawa
Kasultanan Pasai
Samudra Darussalam
1267–1521


Gendéra

Kutha krajan Pasai
Basa Pasai, Melayu
Agama Islam
Pamaréntahan MonarkiG
Sujarah
 •  Established 1267
 •  invasi Portugis 1521
Valuta Koin emas lan perak
Sawisé
Portugis
Kesultanan Aceh
Warning: Value specified for "continent" does not comply
Peta Samudra Pasai

Kasultanan Samudera Pasai utawa dikenal Samudera, Pasai utawa Samudera Darussalam, ya iku Krajaan Islam kang ana ing pesisir segara lor Sumatera kurang luwihé ing Lhokseumawe, yèn saiki ing Aceh Utara.[1] Krajaan iki diadhegké déning Marah Silu kang duwé gelar Malik al-Saleh ing sekitar taun 1267 lan pungkasané pasai dicekel bangsa Portugis ing taun 1521.[1] Raja pisanan ya iku Sultan Malik as-Saleh wafat taun 696 H utawa 1297 M, banjur ditrusaké déning Sultan Malik az-Zahir.[1]

Kasultanan Samudera Pasai uga mlebu ing kitab Rihlah ilal Masyriq kang artiné (Pengembaraan ke Timur) karya Abu Abdullah ibn Batuthah (1304–1368), musafir Maroko kang dagang ing Samudera Pasai nalika taun 1345.[1] Ibnu Batuthah uga carita yèn Sultan Malik az-Zahir ing negri Samatrah seneng nampa tamu kanti bungah.[1] Miturut Ibnu Batuthah, warga Samatrah (Samudera) nganut Mazhab Syafi`i.[1]

Durung akèh bukti lan warta bab krajaan iki kanggo kajian sejarah.[2] Bukti, lan informasi bab keberadaan krajaan Samudera Pasai utamané saka 3 sumber:

  1. Prasasti Minye Tujoh ing Pasai lan watu-watu nisan kuno kang ana kaligrafi Arab ing Komplek Makam Raja-Raja Samudera Pasai,
  2. Duit emas (Dirham) tinggalan Kasultanan Pasai kang mènèhi informasi jeneng Sultan kang nembe mrintah lan taun pamarintahan,
  3. Inskripsi kuna saka Krajaan Islam ing Sumatera, Jawa lan Kalimantan kang kaitané karo bab panyebaran agama Islam ing Indonesia karo ulama saka Krajaan Samudera Pasai, kayata Babad Tanah Jawi, lan Hikayat Banjar.[2]

Ing Prasasti Minye Tujoh angka taun 1380M sakliyané nyebutké mangkaté raja Pasai, uga nyebutké yèn panguwasan Samudera Pasai ing wektu iku tekan laladan Pasai lan Kedah, Malaysia.[2] Pawarta ing prasasti nudhuhaké yèn Samudera Pasai minangka kutha Pelabuhan kang duwé kapentingan ing bab dagang ing Selat Malaka.[2]

Cathetan suku[besut | besut sumber]

  1. ^ a b c d e f (id)Pasai(08 Juni 2011)
  2. ^ a b c d (en)Ricklefs, M.C., (1991), A History of Modern Indonesia since c.1300, 2nd Edition, Stanford: Stanford University Press, hlm. 15, ISBN 0-333-57690-X.