Karlina Supelli

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Karlina Supelli

Karlina Rohima Supelli utawi ingkang langkung misuwur dados Karlina Supelli ingkang miyos wonten ing Jakarta tanggal 15 Januari 1958 inggih punika salah satunggaling filsuf wanita ing Indonésia.

Biografi[besut | besut sumber]

Karlina nggayuh pendhidhikan sarjananipun ing babagan astronomi, Institut Teknologi Bandung amargi piyambakipun gadhah minat ingkang ageng kanggé sinau fisika, matematika, saha metafisika. Piyambakipun punika astronom wanita kaping setunggal ing Indonésia.[1] Kejawi saking punika, piyambakipun ugi gadhah paningalan ingkang langkung wigati kanggé isu- isu kamanungsan. Wiwit taun 1978, Karlina sampun remen ing dunya panalitèn ing babagan astronomi. Gelar Dhoktor astronomi dipunpikantuk saking pendhidhikanipun ing Universiti College of London, Inggris. Ing pinten- pinten taun salajengipun, Karlina lajeng nglirik babagan filsafat lan ing pungkasanipun saged ngiyataken disertasi dhoktoral filsafat ing Universitas Indonésia ing taun 1997 Wonten ing tanggal 19 Pebruari 1998, piyambakipun ingkang dados pandhega dhémonstrasi sesarengan kaliyan aktivis Suara Ibu Peduli ingkang nuntut supados reginipun susu mandhap. Amargi Karlina ugi aktip mbela kurban pemerkosaan haruhara Mèi 1998, piyambakipun lajeng késah dhateng Amérikah Sarékat kanggé nyuwun tulung supados pamaréntah AS mandheg kanggé ngirim senjata dhateng Indonésia. Karlina kaliyan aktivis-aktivis wanita Indonésia ugi sesarengan mandhapaken rezim Soeharto ngagem Suara Ibu Peduli.[2] Piyambakipun ugi aktip kanggé mbela hak- hak masarakat Acèh saha Timor Timur saha para kurban pemerkosaan déning Tentara Indonésia. Riwayat akademisipun ingkang salajengipun inggih dipuntujokaken ing babagan kawruh Filsafat. Karlina pikantuk gelar Dhoktor saking Universitas Indonésia kanthi irah- irahanipun disertasi: Wajah- Wajah Alam Semesta, Suatu Kosmologi Empiris Konstruktif di Universitas Indonésia (UI). Prof.Dr.Ing BJ Habibie inggih salah satunggaling promotor disertasinipun.

Pendhidhikan[besut | besut sumber]

Padamelanipun[besut | besut sumber]

  • Sapunika: Pengajar tetep wonten ing Sekolah Tigggi Filsafat Driyarkara, Jakarta
  • Asisten dhosèn luar biyasa ing Jurusan Astronomi Institut Teknologi Bandung (1979)
  • Kepala Seksi Observasi Planetarium Jakarta (1982-1985)
  • Badan Penerapan dan Pengkajian Teknologi (1986)
  • Kepala Kelompok Ilmu Pengetahuan Alam ing Direktorat Pengkajian dan Penerapan Ilmu Dasar, BPPT, nalika pikantuk tugas mucal ing Inggris (1987 - 1988)
  • Pengajar luar biyasa wonten ing Program Studi Filsafat, Program Pasca Sarjana Universitas Indonésia
  • Pengajar luar biyasa wonten ing Program Studi Lingkungan kanggé mata kuliah filsafat lingkungan, Program Pascasarjana Universitas Indonésia
  • Pengajar boten tetep ing mata kuliah filsafat ngèlmu dan metodologi ing Fakultas

Cathetan suku[besut | besut sumber]

  1. "Karlina Rohima Supelli Leksono". tirto.id (ing basa Indonesia). Dijupuk 2019-01-11. 
  2. "​Karlina Supeli: Kapasitas Nalar dan Akal Budi Laki-Laki dan Perempuan Adalah Sama". Jurnal Perempuan (ing basa Inggris). Dijupuk 2019-01-11.  zero width space character ing |title= ing posisi 1 (pitulung)