Kasultanan Demak

Kasultanan Demak
1475–1548
Pernahé Demak Masjid Demak, diyasa ing arsitèktur tradhisional Jawa.
Kutha krajan		Demak
Basa		Basa Jawa
Agama		Islam
Pamaréntahan		Sultane
Sultan
•	1475-1518 ¹	Radèn Patah
•	1518-1521	Pati Unus
•	1521-1548	Sultan Trenggana
Sajarah
•	Diwanguné kutha palabuhan Demak	1475
•	Sédané Sultan Trenggana	1548
Sadurungé Sawisé Majapahit Kasultanan Pajang
¹ (1475-1478 dadi vasal/wewengkon Majapahit)

Kasultanan Demak diyasa déning Radèn Patah taun 1481 M utawa 1403 taun Saka. Laladan iki sadurungé dadi péranganing Krajan Majapahit nanging wektu kadadéan perang sadulur ing Majapahit taun 1478, punjer krajan Majapahit dipindhah menyang Keling, banjur pindhah manèh menyang Daha.

Raja-ratu

• Radèn Patah 1481 - 1518
• Pati Unus 1518 - 1521
• Sultan Trenggana 1521 - 1546
• Sunan Prawata 1546 - 1561
• Arya Penangsang 1561

Demak ambruk

Sapungkuré Sultan Trenggana surut ing taun 1546 nalika ngepung laladan Pasuruan, kalungguhan sultan ing Demak dadi rebutan. Sunan Prawata sing munggah dadi Sultan ditentang akèh wong kalebu para adipati, antarané Pangéran Séda Lèpèn adiné Sultan Trenggana. Adipati Jipang yaiku Arya Penangsang uga sing mèlu nentang Sunan Prawata. Sunan Prawata pungkasané tiwas déning Aria Penangsang.

Arya Penangsang munggah dadi panguwasa nanging uga ditentang akèh wong ing antarané Adipati Pajang yaiku Jaka Tingkir. Jaka Tingkir sing uga mantu Sultan Trenggana rumangsa yèn garwané luwih duwé hak singgasana kasultanan tinimbang Arya Penangsang. Jaka Tingkir banjur yasa koalisi karo Ki Ageng Pemanahan lan Sutawijaya, koalisi iki kasil nyingkiraké Arya Penangsang lan Kasultanan Demak wusanané ambruk.

Jaka Tingkir yasa Kasultanan Pajang, laladan Demak teluk marang Kasultanan Pajang. Jaka Tingkir nyandhang gelar Sultan Hadiwijaya.

Krajan ing Jawa
0-600 (Hindu-Buddha Mataram Kuna): Salakanagara | Tarumanagara | Galuh | Sundha | Kalingga 600-1500 (Hindu-Buddha): Mataram Kuna, Kahuripan, Janggala, Pangjalu, Singhasari, Majapahit, Pajajaran, Blambangan 1500-saiki (Islam): Demak, Pajang, Banten, Cirebon, Sumedang Larang, Mataram Enggal, Surakarta, Ngayogyakarta, Mangkunagaran, Pakualaman