Karèt gelang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Karèt Gelang

Karet gelang utawa gelang karet yaiku potongan karet awujud gelang kang digawe kanggo naleni barang. Karet gelang kabagi saka macem-macem ukuran, saka ukuran paling gedhe nganti paling cilik, saka paling kandel nganti paling tipis. Bahan baku karet gelang yaiku karet alami mula wernane kuning. Karet gelang warna-warni digawe kanthi nambahi bahan pewarna. Prodhusen uga ana kang nggawe karet gelang tahan lenga lan tahan sakabehing cuaca. O-ring wujude mirip karet gelang nanging digawe saka elastomer lan dienggo minangka seal. Dibandhingake karo karet gelang, O-ring ora patiya elastis. Sebagian besar karet gelang digawe saka karet alami kang mujudake asil pengolahan lateks saka wit karet. Karet gelang uga digawe saka karet sintetis, nanging kalah misuwur saka karet alami kang elastis.[1]

Prinsip panggaweyan karet gelang sedherhana banget. Karet awujud silinder (tabung) dawa dikethok-kethok dadi karet gelang miturut ukurane.[2]

Ukuran[sunting | sunting sumber]

Dhimensi Karet Gelang

Di negara liya, ukuran karet gelang diatur miturut standar kang ana ing negara iku. Karet gelang duweni dawa, amba, lan dhuwur. Dawa karet gelang yaiku setengah saka garis keliling. Dhuwur karet gelang nujudake jarak saka garis jero nganti garis jaba. Amba karet gelang yaiku kandele karet gelang nalika dikethok-kethok saka silinder karet kang dawa.[3]

Ukuran Karet Gelang
Ukuran Dawa (in) Amba (in) Kandel (in)
10 1.25 1/16 1/32
12 1.75 1/16 1/32
14 2 1/16 1/32
31 2.5 1/8 1/32
32 3 1/8 1/32
33 3.5 1/8 1/32
61 2 1/4 1/32
62 2.5 1/4 1/32
63 3 1/4 1/32
64 3.5 1/4 1/32
117 7 1/16 1/32


Panemu lan usahawan kebangsaan Inggris kang jenenge Stephen Perry mujudake wong pisanan kang bisa ngentukake paten kanggo karet gelang. Stephen Perry kang duwe perusahaan karet vulkanisir entuk paten kanggo karet gelang ing tanggal 17 Mei 1845. Karet gelang kang dipatenkan Perry beda karo karet gelang kang ana saiki. Karet gelang zaman saiki wis ngalami vulkanisasi, mula karet luwih elastis, tahan suwe lan menthine duweni akeh mupangat.

Mupangat[sunting | sunting sumber]

Karet gelang asipat elastis mula mupangat kanggo naleni barang.

  • Karet gelang kerep dianggo naleni sega bungkus, gadho-gadho, lan panganan liyane kang dibungkus kertas utawa godhong.
  • Kanthong plastik kang isine gula, kacang, utawa bahan panganan liyane gampang ditaleni karo karet gelang.
  • Karet gelang bisa dinggo naleni utawa nguncir rambut.
  • Karet gelang kang ditaleni ing pucuk potlot bisa mupangat minangka busak.
  • Karet gelang dianggo minangka penggerak ing baling-baling montor mabur modhel utawa dolanan mekanis liyane.

Dolanan[sunting | sunting sumber]

Artikel utama: Jeprètan

Karet gelang uga bisa dadi dolanan kang nyenengake, kayata jeprètan nganggo karet gelang. Kulit manungsa kang kena jepretan karet gelang biyasane ora apa-apa, nanging yen dijepretake marang kewan, rai wong utawa mripat bisa ngakibatake bahaya. Karet gelang uga bisa diuncalake kanthi bedhil-bedhilan saka kayu bekas kang entheng utawa sumpit sekali pakai. Ing Jepang ana kejuwaraan nasional nembak nganggo karet gelang.

Bocah wedok ing akeh negara migunakake rentengan karet gelang kanggo lompatan. Rentengan karet gelang dienggo bocah wadon kanggo dolanan lompat tali. Bocah loro nyekeli pucuk tali lan diubengake, dene bocah liyane nglompati tali iku.[4]

Cathetan Sikil[sunting | sunting sumber]

  1. ^ (en)scifun.chem.wisc.edu Karet Gelang
  2. ^ (en)rubberband.com Karet Gelang
  3. ^ (id)archive.kaskus.us Karet Gelang
  4. ^ (en)Shakhashiri, Bassam Z. (1983), Chemical Demonstrations: A Handbook for Teachers of Chemistry, 1, Madison, WI: The University of Wisconsin Press, ISBN 978-0299088903
Sumber artikel punika saking kaca situs web: "http://jv.wikipedia.org/w/index.php?title=Karèt_gelang&oldid=831394"