Kali Saraswati

Saka Wikipédia Jawa, bauwarna bébas abasa Jawa
(Dilih saka Kali Saraswati Weda)
Gambar kang dijupuk déning satelit NASA lan nuduhaké mantan kali kang ana ing nagara bagean Gujarat, India.

Kali Saraswatī ya iku kali kang ana ing kitab suci Hindhu, Weda.[1] Ana ing basa Sansekerta saras kang tegesé sawijining tlaga utawa genangan banyu lan watī (saka wntī, wujud tingkat nol sufiks -want) kang tegesé wanita kang duwé.[1] Miturut kitab Rgweda, Saraswati ya iku kang paling gedhé lan paling wigati saka kali suci kang cacahe ana pitu.[1] Kali iki wis diidentifikasikake karo karo kali-kali kang ana utmane ya iku kali Ghaggar-Hakra ana ing India lan Pakistan lang alirane diterusake menyang kali Raini Nala.[2] Usul liyané ya iku Kali Helmand ana ing Afganistan, kang dhisike duwé jeneng kali Harahvaiti.[2] Jeneng "Sarasvati" asalé saka basa Avesta.[2] Kali kang ana ing Afghanistan iki ngalir menyang sawijining tlaga cilik kang ana ing dataran dhuwur Iran, lan ora padha karo kang digambarake ana ing Rgweda ngenani kali kang ngalir menyang segara.[2] Saliyané iku uga ana sawijining kali liyané ing Iran kang dijenengi karo jeneng kang padha.[2] Fotografi satelit kang nuduhaké wis tau ana kali kang gedhé ana ing kulon segara India[2]. Muara kali iki ambane antara telu nganti tekan sepuluh kilometer.[2]

Cathetan suku[besut | besut sumber]