Kaisar Go-Daigo
Kaisar Go-Daigo (後醍醐天皇 Godaigo Tennō?) utawa ditulis Kaisar Godaigo (26 November 1288-19 September 1339) ya iku Kaisar Jepang ka-96.[1] Jeneng asliné ya iku (imina) Takaharu (尊治?).[1] Adedasar dekrit kaisar taun 1926, Kaisar Go-Daigo ora karan manèh dadi Kaisar Jepang ka-95, nanging Kaisar Jepang ka-96.[1] Kaisar Go-Daigo lair tanggal 26 November 1288 (Shōō taun 1 sasi 11 dina 2) dadi putra nomer loro saka kaisar ka-91 Kaisar Go-Uda saka garis keturunan Daikaku-ji.[1] Dhèwèké diangkat dadi pangeran nalika taun 1302.[1] Nalika taun 1304 dhèwèké diangkat dadi Dazai no Sochi (kepala kantor Dazaifu), kang ndadèkaké diundang Sochinomiya.[2] Ibu kandunge ya iku Fujiwara no Tadako utawa Dantenmon-in, putri anggota majelis tinggi kang jenenge Itsutsuji Tadatsugu kang dadi putri angkat Naidaijin jenenge Kazan-in Moritsugu.[2] Dhèwèké ditunjuk dadi putra makutha nalika taun 1308 déning Kaisar Hanazono saka garis keturunan Jimyō-in, lan munggah ana ing tahta nalika umuré 31 taun lan dadi Kaisar Go-Daigo nalika taun 1318.[2] Nanging, sadawané telung taun pisanan mangsa pamrentahane, Kaisar Go-Daigo namung dadi kaisar tituler.[2] Bapak kandunge ya iku mantan Kaisar Go-Uda kang njalanake sistem papréntahan saka njero biara.[2] Ana ing silsilah kamaharajan, Kaisar Go-Daigo lair saka garis keturunan utama. Wiwitane,[2] faksi garis keturunan Daikaku-ji kang nobatake Kaisar Go-Daigo dadi pejabat sawatara kaisar.[2] Sawisé putra makutha kang jenenge Pangeran Kuniyoshi (anak almarhum Kaisar Go-Nijō) sansaya gedhé, Kaisar Go-Daigo kudu muduh tahta.[2]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |