Kadhaton Deoksu

Saka Wikipédia Jawa, bauwarna bébas abasa Jawa
Kadhaton Deoksu
Deoksugung
Hangul 덕수궁
Hanja 德壽宮
Alihaksara sing Disampurnakaké Deoksugung
McCune–Reischauer Tŏksugung

Kadhaton Deoksu punika salah satunggaling kadhaton saking Lima Pura Utama Dinasti Joseon. Astana Deoksu punika naté dados dalemipun pemimpin Dinasti Joseon dumugi periode penjajahan Jepang. Jinis yasan ing kompleks Astana Deoksu punika wonten yasan kayu kanthi gaya Barat. Minangka yasan tambahan, ing area komplêks ugi wonten musiyum seni, kebun raya, lan monumen Raja Sejong. Wiwitanipun dipunparingi nama Gyeongungung ( Astana Gyeongun ), astana punika wiwit kondhang awit pungkasan anad kaping 19 lan purwa abad kaping 20 amargi dados latar wingking konflik pulitik antawisipun Dinasti Joseon kaliyan pihak asing. Ing sajarah Koréa, Astana Gyeongun dados papan dipunplokamiraken Kekaisaran Han Raya [1].

Sajarah[besut | besut sumber]

Generasi kapisan Astana Deoksu punika vila ingkang dipunyasa ing taun 1450-an minangka papan kanggé ngaso Pangeran Wolsan [2]. Vila punika dipunparingi nama Seobyeolgung ( Vila kilèn ). Ing pungkasan abad kaping 16, sasampunipun sadaya astana lan kutha krajan Dinasti Joseon musna kobongan amargi Perang pitung taun kulawarga kraton pidalem wonten ing Seobyeolgung dumugi Astana Changdeok pungkasan dipunyasa. Namanipun dipunewahi dados Gyeong-un-gung ( Astana Gyeong-un). Astana Gyeong-un dipuntilar radi dangu sasampunipun Astana Changdeok dipun-ginakaken malih minangka astana resmi. Ing pungkasan abad kaping 19, nalika tiyang Amérika, Rusia, Prancis, lan Inggris dugi ing Seoul, Raja Gojong pindhah dhateng Astana Gyeongun lan ndadosaken minangka astana utami. Lajeng nama Joseon dipunéwahi dados Kekaisaran Han Raya lan nginggilaken statusipun saking raja dados kaisar. Prastawa punika dados simbolisasi bilih Joseon, nagari ingkang nembé dipundesak déning kekuwatan asing sampun medal saking campur tangan Kekaisaran Cina ( Qing ).

Astana punika dipunrenovasi saking taun 1902-1904. Ananging nalika taun 1904 wonten kobongan saéngga ngrisak yasan punika. rekonstruksi malih dipunadani dumugi pungkasan taun 1906. Ing taun 1905 Jepang menang wonten ing Perang Russo-Jepang ingkang Rusia dipunsingkiraken saking Koréa lan Kekaisaran Jepang ndhèrèk urusan ing nagari Koréa. Nalika januari 1907, Raja Gojong dipunpeksa mandhap saking tahta lan maringaken tahtanipun dhateng putranipun Sunjong. Ing wekdal punika nama Astana Gyeongun dipun-gantos dados Astana Deoksu. Kados astana sanèsipun, pamaréntah kolonial Jepang mbikak Astana Deoksu dados taman umum.

Ugi pirsani[besut | besut sumber]

Gladri[besut | besut sumber]

Cathetan suku[besut | besut sumber]

  1. ^ [1], (id) Wisata - kompasiana (dipun-akses tanggal 09 Januari 2013).
  2. ^ Deoksugung: Seoul’s Palace of Virtue, discoveringkorea.