Kécap sop

Saka Wikipédia Jawa, bauwarna mardika basa Jawa
Choganjang, saus kang digawé saka ganjang

Kécap sop ya iku jinis kécap Koréa kang digawé saka kacang kedele kang diproses kanthi fermentasi.[1][2] Ganjang ya iku kecap tradhisional kas Koréa.[2][3]

Sajarah[besut | besut sumber]

Kacang kedele minangka salah sijiné jinis wiji-wijinan kang paling akèh dibudidakake ing Koréa.[2] Amarga cara ngrembakakake kang gampang lan awet yèn disimpen, wong Koréa mroses kedele dadi pirang-pirang bahan konsumsi ing masakan-masakane.[2] Sawisé difermentasekake, kedele bisa diolah kanthi gampang kanggo pirang-pirang taun candhaké.[2] Ing Koréa, akèh kulawarga wis duwé teknik pembuatan ganjang kang punjul 200 taun kanthi baleni prosès fermentasi lan nyampurake bahan kang wis suwé karo ganjang kang anyar diprodhuksi.[2]

Kandungan[besut | besut sumber]

Ganjang duwé kandhutan karbohidrat kang gampang larut, sukrosa, stachyosa lan raffinosa.[1] Saliyané iku uga ana mikro organisme kaya ta bacillus subtlis, asem laktat, enzim sarta fungi kang ana nalika kedele difermentasekake.[1] Nalika kacang kedele difermentasekake ing wujud keju, mung sithik karbohidrat kang sisa saéngga nalika dadi cair duwé kandhutan 0,7 % asem laktat, lan fermentasi alkohol jarang kedaden.[1] Protein kang ana ing kedele dilarutake déning enzim protease lan peptidase, mikro-organisme kang urip nalika fermentasi saéngga kandhutan nitrogen peptid lan nitrogen amino sarta asem glutamat dadi dhuwur banget.[1]

Jinis[besut | besut sumber]

  • Haetganjang ya iku jinis ganjang kang umuré kurang saka setaun.[4]
  • Jungganjang ya iku jinis ganjang kang wis difermentasekake antarané 3 nganti 4 taun.[4]
  • Jin-ganjang utawa jinjang ya iku jinis ganjang kang wis difermentasekake punjul 5 taun lan biyasa minangka saus nalika masak.[4]
  • Cheongjang ya iku ganjang kang digunakaké ing masakan godhokan, sup lan janganan.[4]

Cathetan suku[besut | besut sumber]

  1. a b c d e koreanrestaurantguide Archived 2008-09-07 at the Wayback Machine., koreanrestaurantguide. Diundhuh tanggal 28 April 2010.
  2. a b c d e f Ahn Hong-beum (2004). "Ganjang and Doenjang: Traditional Fermented Seasonings" (PDF). Koreana (ing basa Inggris). 18 (1): 62–67. Diarsip saka sing asli (PDF) ing 22 July 2011. Dibukak ing 28 April 2010. {{cite journal}}: Cite has empty unknown parameters: |lay-date=, |lay-source=, and |laysummary= (pitulung); Unknown parameter |month= ignored (pitulung)
  3. (ing basa Koréa)'간장' 깊고 오묘한 맛을 뽐내다, chosun. Diundhuh tanggal 5 Mèi 2010.
  4. a b c d Soybean sauces Archived 2010-04-13 at the Wayback Machine., sunchang Diundhuh tanggal 5 Mèi 2010.