Kèju Inggris

Saka Wikipédia Jawa, bauwarna bébas abasa Jawa
Keju ing Inggris

Kèju Inggris inggih punika salah satunggaling jinis kèju lokal ingkang dipunwedalaken wonten ing Inggris ingkang dangunipun saged kaping lipet abad - abad. Kathah tlatah wonten ing Inggris ingkang gadhah jinis kèjunipun piyambak- piyambak lan sadaya jinis kèju ingkang wonten gadhah khasipun piyambak.[1] Sedaya keju lokal ingkang wonten gadhah raos ingkang béda- béda ingkang dipunjalari amargi wontenipun variasi kanggé ngginakaken susu, vegetasi, iklim, lan dangunipun kéju dipunnengaken ngantos dumugi mateng.

Inggris sampun ngalami kemajengan ingkang rikat sanget kanggé damel keju tradhisional déning tenaga ahli wiwit pungkasanipun taun 1970 nan.[2] Perkawis punika béda sanget kanthi wontenipun grafik ingkang mandhap sanget kathah ing sadangunipun pinten- pinten dekade sasampunipun Perang Dunia II.[2] Keju tradhisional saking Inggris ingkang sampun misuwur inggih punika tuladhanipun Cheddar, Stilton, lan Lancashire.[2] Sanajan ta keju tradhisional taksih wonten lan taksih dipunremeni déning tiyang kathah ngantos sak punika, kathah keju- keju modheren ingkang sampun sami medal ingkang dipundamel déning para pemula ing indhustri punika. Inggri misuwur kanthi wontenipun keju ingkang atos kados ta Cheshire utawi Wensleydale. Ananging ing wekdal sak punika, ingkang damel keju ing Inggris miwit kanggé damel keju wonten ing manéka warna tekstur kados ta keju kanthi aroma ingkang landhep sanget, keju ingkang semi lunak, keju seger, lan keju lunak ingkang saged langsung ngleleh wonten ing tutuk.

Pamilihing susu[besut | besut sumber]

Metode tradhisional taksih dipun-ginakaken déning para koki ingkang damel keju ing jaman modhèren, sanajan ta makaten padatanipun piyambakipun gadhah pepèngin kanggé saged dados kreatif lan nyiptakaken satunggaling tekstur ingkang énggal. Kala rumiyin, susu sapi dipun-ginakaken terus kanggé damel keju ing Inggris, ananging ing wekdal sak punika susu wedhus, susu domba, ugi kalebet susu kebo dipun-ginakaken kanggé damel manéka warna jinis keju. Perkawis punika ingkang dadosaken wontenipun pabedan ingkang ageng wonten ing keju- keju ingkng wonten ing Inggris. Prosès kanggé damel keju inggih boten gampil dipuntindakaken lan betahaken paningalan ingkang tliti lan kawigatosan ingakng ageng kanggé tuwuhipun kaséhatan. Variasi musiman wonten ing susu ugi gadhah dhampak langsung dahteng raos lan tekstur keju. Sapérangan para koki ingkang damel keju asring mendhet susu saking ternakipun piyambak, ananging ingkang sanèsipun ugi dipunpendhet saking peternakan sanèsipun. Kanggé mesthèkaken susu mau tansah wonten inggih boten gampil. Para juru ingkang damel keju ing jaman jayanipun keju Ingggris ing taun 1970 nan lan 1980 nan kedah ngadhepi tantangan ingkang sanèsipun. Para juru masak ingkang ngginakaken susu ingang boten dipun pasteurasi utawi susu mentah tansah pikantuk raos curiga saking para pengawas keséhatan umum lan asring malih dipunsiyaraken déning media kanthi dipunlangkung- langkungaken malih pawartos ingkang kirang saénipun, Pramila punika ingkang dadosaken wontenipun dampak negatif kanggé indhustri keju.

Pratélan Keju ingkang wonten ing Inggris[besut | besut sumber]

Ing ngandhap punika inggih sapérangan tuladha keju ingkang asalipun saking Inggris:[3]

  • Applewood
  • Blue Vinney / Dorset Blue
  • Cheddar
  • Cheshire
  • Cornish Yarg
  • Cottage Cheese
  • Curd Cheese
  • Derby / Sage Derby
  • Double Gloucester
  • Goats Cheeses
  • Huntsman
  • Ilchester
  • Lincolnshire Poacher
  • Lancashire
  • Leicester / Red Leicester
  • Red Windsor
  • Shropshire Blue
  • Somerset Brie / Camembert
  • Stilton
  • Swaledale
  • Wensleydale
  • Wiltshire Loaf

Sapérangan kèju ingkang asalipun saking Wales inggih punika kados makaten:

  • Caerphilly
  • Pencarreg Brie
  • Teifi

Déné kèju ingkang asalipun saking Sekotlan ing antawisipun inggih punika kados makaten:

  • Caboc
  • Caithness
  • Crowdie
  • Dunlop
  • Islay
  • Orkney

Cathetan suku[besut | besut sumber]

  1. ^ British Cheese, British Cheese. Dipuundhuh tanggal 23 Maret 2013.
  2. ^ a b c Linford, Jenny (2008). Great British Cheeses. DK Publishing, New York. ISBN 978-0-7566-4172-6. 
  3. ^ British Cheese Index, British Cheeses. Dipunundhuh tanggal 23 Maret 2013.