Josh Beckett

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Joshua Patrick Beckett
Josh Beckett on April 19, 2013.jpg
Beckett ing Los Angeles Dodgers Taun 2013
Katerangan priangga
Tanggal lair (1980-05-15) Mèi 15, 1980 (umur 40)
Papan lair Spring, Texas
Posisi main Pitcher

Josh Beckett duwé jeneng jangkep Joshua Patrick Beckett salah sawijining pamain bisbol aguna kang asalé saka Amérika Sarékat. Dhèwèké main ing posisi pitcher, lan duwé dedeg piadeg 196 cm kalawan 104 kg. Beckett lair ing surya kaping 15 wulan Mèi taun 1980 (umur 39 taun) ing kutha Spring, pérangan nagara Téxas Bendera_Amerika Serikat Amerika Serikat.[1]

Mangsa Cilik[besut | besut sumber]

Kuthané Josh nalika dhèwèké isih cilik duwèni tradhisi yèn bisbol wis dadi pérangan wigati kanggo sadhéngah wargané. Josh nglakoni mangsa ciliké ing pinggiran kutha Houston kang kondhang dadi kutha sing kerep nglairaké pamain bisbol kanggo klub pawiyatan luhur utawa liga bisbol kang tingkaté amatir. Telung taun dadurungé dhèwèké kadhaftar déning klub Florida Marlins, kanca dolané yaiku Michaèl Marriott luwih dhisik mlebu ing klub kasebut nalika liga dungkap puteran kapapat.[2]

Pamain kang Dumèh[besut | besut sumber]

Kabèh miwiti lumaku mudhun kanggo Josh Beckett ing Boston nalka gagat pungkasan musim bisbol taun 2011 nalika dhèwèké wis ora manèh bisa main kaya ing jaman kencana rukminé. Bab kasebut kaconangan jalaran karemané mangan iwak pitik lan ngombé inuman bir kang jalari mainé samsaya dlosor. Pamain kang tinepang minangka pitcher andhal kasebut wis kasil gawé luwih akèh hit ing mangsa iki lan dhèwèké ngancik ing titik paling ngisor sadawané kariré ing dina Kemis wayah wengi. Sawisé ngejaraké pitung ubengan kang diolèhi sajroning 2,1 inn lumawan Cleveland Indians. Kanggo sapérangan juru warta malah ana kang ngarani yèn dhèwèké kaya nembé main golef, nanging kanggoné Beckett kadadéan kasebut ora dadi perkara jalaran dhèwèké pancèn ora nembé main golef. Luwih princiné apa kang diantuk Beckett saiki ora kaya nalika dhèwèké kagandhok ing klub Boston Red Sox biyèn, dhèwèké kudu luwih ngutamakeké tim tinimbang pribadhiné yaiku kanthi cara luwih fokus kang gegladhi lan ngréwangi timé supaya ora luwih angslup.[3]

Pénsiun[besut | besut sumber]

Josh Beckett ngrampungi kariré kanthi rékor 38-106, 3.88 ERA in 2052 inn, ERA+ 111, rasio 1901/629 K/BB, lan angka karir WAR 39,0. Senadyan pamain kang prigel ing jamané nanging dhèwèké ora bisa uwal saka sambat amarga cidra kang ditemahi. Pamain liya kang bisa dianggep pitcher paling andhal saliyané dhèwèké yaiku Jason Schmidt, Mike Flanagan, Kevin Millwood, Dennis Leonard, Bruce Hurst, Rick Sutcliffe, Mike Boddicker, Mike Scott, lan Curt Schilling kang bisa nyathetaké rékor undha-undhi. Beckett 39.0 WAR mapanaké dhèwèké sacedhaké Mike Garcia (40.4 in 2175 inn), Noodles Hahn (39.7 in 2029), Dizzy Dean (38.2 in 1967), Don Newcombe (37.5 in 2155) Schmidt (37.5 in 1996), Dean Chance (37.0 in 2147) lan Jim Maloney (37 in 1849). Beckett ora bisa dadi kaya Roger Clemence lan bakal angèl kanggo mlebu ing témbok kamulyan jalaran dhèwèké kurang ajeg kanggo dijèjèraké kalawan para pamain ing dhuwur. Nanging dhèwèké kalebu suksès kabukti wis kaping wola-wali katut ana ing pamain all-star.[4]

Mlebu ing Pilihan Témbok Kamulyan[besut | besut sumber]

Ing taun seri donya taun 2003, Josh Beckett dadi ikoné klub Florida Marlins bareng mitrané Brad Penny kang menangi loro tetandhingan ing final tim kang mustahil ditemokaké sepisan manèh. Paguyuban Juru Warta Amérika ing dina Senèn mbiwarakaké bakal dianakaké pilihan kanggo sapa kang bisa mlebu hall of fame.Tilas pamain top MLB all-star Josh Beckett lan Brad Penny kalebu ing 32 dhaftar nominasi. Kepala Florida Marlins Derek Jater uga kalebu uwong kang bisa awèh suwara kanggo Beckett.[5]

Josh Beckett patemon kalawan Prèsidhèn Barack Obama


Layang Suwara Pamilihan 2020[besut | besut sumber]

Cekaké Josh Beckket nemahi munggah pamor sajroning kariré ing taun 2003 kanggo ngasoraké New York Yankees kanthi sekor 2-0 nalika tetandhingan kanem ing Stadhion Yankee. Amarga panampilan Beckett ing dina kuwi dhèwèké winisuda minangka World Series MVP.[5]

Jangkepi Témbok Kamulyan[besut | besut sumber]

Limang taun main ing klub Florida Marlins, Beckett cedhak kalawan rékor angka yaiku 41-34 kanthi 3,46 ERA sajroning 106 tetandhingan (103 minangka pamain kang ora naté diganti). Kadhaftar ing nomer loro saka sakabèhé pamain Marlins ing taun 1999. Miwiti main ing tanggal 4 wulan Sèptèmber taun 2001 lan tetandhingan pungkasan bareng Dodgers ing tanggal 3 wulan Agustus taun 2014 jalaran nandhang cidra ing bangkékan sisih kiwa. Cidra kang nyata nganggu tumrap cara mainé satemah ndadèkaké mrosote fisiké Beckett. Dhèwèké wis kaping telu kalebu ing tim all-star lan ing taun 2007 bareng Boston Red Sox dhèwèké nyathetaké angka 20-7 kanthi 3,08 ERA. Ngrampungaké liga rangking kaloro ing panjupukan bebungah American League Cy Young. Taun 2003 dadi jaman kuncarané sarta biyantu Red Sox menangi gelar seri donya ing taun 2007.[5]

Urusan karo Ukum[besut | besut sumber]

Josh Beckett katitik ing dina Setu kena tuntutan saka kapulisèn jalaran mulasara sawijining penyanyi grup bèn country ing salah sawijining papan klangenan ing kahanan mabuk. Caritané Beckett teka-teka munggah panggung lan nglarani penyanyi kasebut nalika si penyanyi isih nembang kanggo awèh panglipur marang kang padha teka ing papan kasebut. Beckett banjur dicekel déning pulisi amarga bebayani tumrap dhèwèké lan para tamu liyané. Kanthi anane kadadéan kasebut Beckett nandang tatu ana sikilé déné si penyanyi nandang tatu ana pundhak lan gulu malah kapétung balung ana pundhaké tinemu méngslé.[6]

Bebungah[besut | besut sumber]

Josh Becket kang dadi pamain bisbol aguna diwiwiti saka taun 2001, nanging dhèwèké wiwit moncèr ing taun 2003 kanthi mikolèhi pirang-pirang bebungah saka pirang-pirang nomer kaya ta pamain dhebutan paling apik, MVP (Most Valuable Player), Pamain terpuji saben minggu, lan liya-liyané.[7]

Taun 2000[besut | besut sumber]

Taun 2001[besut | besut sumber]

Taun 2003[besut | besut sumber]

Taun 2007[besut | besut sumber]

Josh Beckett Ancang-ancang Mbalang Bal kanggo Lawané

Taun 2009[besut | besut sumber]

Taun 2014[besut | besut sumber]

Galeri[besut | besut sumber]

Rujukan[besut | besut sumber]

  1. Baseball-Refference, Admin (2020-03-18). "Pamain Josh Beckett (Saka Basa Inggris)". Baseball Refference. Retrieved 2020-03-19.
  2. JockBio, Admin. "Biografi Josh Beckett (Saka Basa Inggris)". Jock Bio Black Books. Retrieved 2020-03-23.
  3. Rymer, Zachary D (2012-05-12). "Josh Beckett lan Sepuluh Pamain kang Paling Dumeh ing Bisbol (Saka Basa Inggris)". Bleacher Report. Retrieved 2020-03-23.
  4. Sickels, John (2014-10-10). "Josh Beckett Pamain Level A kang Kasisih". Minor League Ball. Retrieved 2020-03-25.
  5. a b c Frisaro, Joe (2019-11-18). "Pawarta Josh Beckett Brad Penny ana Pilihan Tembok Kamulyan (Saka Basa Inggris)". mlb.com. Retrieved 2020-03-24.
  6. Madan, Monique O (2017-11-11). "Tilas Pitcher Florida Marlins Dicekel Pulisi Sawise Mulasara Sawijining Penyanyi Country (Saka Basa Inggris)". Miami Herald. Retrieved 2020-03-25.
  7. MLB, Admin. "Pamain Josh Beckett (Saka Basa Inggris)". mlb.com. Retrieved 2020-03-24.