J'accuse...!

Saka Wikipédia Jawa, bauwarna mardika basa Jawa

J'accuse...! (pocapan Prancis: ​[ʒaˈkyz], "Aku ndakwa...!") iku sawijining layang padhang sing dibabar ing tanggal 13 Januari 1898 sajeroning koran L'Aurore lan ditulis déning panulis Prancis wigati Émile Zola.

Sajeroning layang iki, Zola nujokaké layangé marang Présidèn Prancis Félix Faure lan ndakwa Pamaréntah manawa Pamaréntah Prancis iki anti-Sémitis awit ngunjara Alfred Dreyfus, sawijining Staf Jèndral Angkatan Dharat Prancis sing divonis salawas uripé dadi wong aradan déné mata-mata. Zola nuduhaké kaluputan yuridis lan ora anané bukti. Layang iki banjur dicithak ing kaca utama koran iki lan marahi horeg ing Prancis lan mancanagara. Zola dhéwé diadili déné pitenah lan dhèwèké didakwa salah. Banjur Zola lumayu menyang Inggris supaya aja dikunjara.