Iwak Tambakan

Saka Wikipédia, bauwarna bébas basa Jawa
Iwak Tambakan
250px
Ikan tambakan
Klasifikasi èlmiah
Krajan: Animalia
Filum: Chordata
Kelas: Actinopterygii
Ordo: Perciformes
Suborder: Anabantoidei
Kulawarga: Helostomatidae
Marga: Helostoma
Jinis: H. temminckii
Jeneng binomial
Helostoma temminckii
Cuvier, 1829

Iwak Tambakan (Helostoma temminckii) utawi menawi wonten ing Basa Inggris dipunwastani Kissing gourami punika salah satunggalung jinis iwak toya tawar ingkang asalipun saking wewengkon tropis miliginipun Asia Tenggara. Ulam punika milanipun asalipun saking Thailand dumugi Indonesia sakdèrèngipun dipuntepangaken dhateng donya. Panyebaran ulam punika saking Thailand, Vietnam, malaysia, Selandia baru, Filipina, Sumatra, Kalimantan, Sulawesi, lan Jawa [1]. Ulam punika ugi kawéntar kanthi nama gurami pencium amargi kebiasaan ngambung nalika mendhet panganan utawi nalika ketemu sesami pejantan. Ing Indonesia ulam tambakan punika kagungan nama sanès kaosta bawan, biawan, lan ulam Samarinda [2].

Ulam tambakan punika mapan wonten ing toya kanthi arus ingkang tenang, dangkal lan kathah tetuwuhan toya. Saking rumiyin ulam punika sampun dipundamel kanggé bahan panganan lan sampun dipuntepangaken dhateng nagara sanès kanthi ancas kanggé budidaya [2].

Anatomi lan Morfologi[besut | besut sumber]

Ulam tambakan kagungan bentuk awak ingkang pipih vertikal. Sirip punggung lan sirip anal kagungan bentuk lan ukuran ingkang sami. Sirip buntut piyambak wujudipun bunder lan cembung, lajeng sirip dadanipun kanthi cacah sepasang ugi radi bunder. Wonten ing sisih kekalih awakipun wonten gurat sisi, pola ingkang arupi garis tipis wiwit saking pangkal selaning insang dumugi pangkal sirip buntut. Kirang langkung wonten 43-48 sisik ingkang nyusun gurat punika. Ulam tambakan punika saged tuwuh dumugi 30 cm[2].

Habitat[besut | besut sumber]

Ulam Tambakan punika kalebet ulam toya tawar kanyhi sifat bentopelagik inggih punika gesang wonten ing antawisipun permukaan lan wewengkon ing perairan. Wewengkon asli papan gesangipun punika wewengkon perairan tropis ingkang dangkal, arus tenang, lan kathah tuwuhan toya. Wiwitanipun ulam punika namung kapanggihaken wonten ing perairan toya tawar Asia Tenggara, ananging ulam tambakan banjur nyebar wonten ing sadaya wewengkon ingkang kagungan iklim anget minangka kéwan introduksi[2].

Panganan[besut | besut sumber]

Ulam tambakan kagolong ulam omnivora ingkang mangan sadaya jinis panganan. Saking lumut, tuwuhan toya, zooplankton, dumugi serangga toya. Ulam tambakan ugi mangan jinis plankton, crustacea, larva insecta, lan protozoa [1]. Lambenipun kajangkepi kaliyan waja-waja alit ingkang mbiyantu anggènipun mendhet panganan. Ulam punika ugi kagungan tapis insang ( gill raker ) ingkang paring pambiyantu nyaring partikel plankton saking toya. Nalika nyabut panganan ingkang nèmpèl wonten ing papanipun punika ulam tambakan katingal kados ngambung panganan punika[2].

Manfaat kanggé manungsa[besut | besut sumber]

Wonten ing wewengkon aslinipun ulam punika dipun-budidaya kanggé dipunpendhet dagingipun. Ulam tambakan ugi saged dipunpancing wonten ing alam bebas. Sapunika ulam tambakan dados salah satunggaling komoditas iwak hias toya tawar amargi wujud lan polahing ingkang unik. Kanthi gunggung ingkang kathah ulam tambakan ingkang tasih alit dipun-ekspor dhateng nagara Jepang, Éropah, Amerika Utara, lan Australia[2].

Cathetan suku[besut | besut sumber]

  1. ^ a b [1], Ikan Tambakan (dipun-akses tanggal 05 Desember 2012).
  2. ^ a b c d e f [2], (id) http://www.iftfishing.com (dipun-akses tanggal 15 November 2012).
Sumber artikel punika saking kaca situs web: "https://jv.wikipedia.org/w/index.php?title=Iwak_Tambakan&oldid=1014516"