Isabel I saka Kastilia

Saka Wikipédia Jawa, bauwarna bébas abasa Jawa
Ratu Isabel

Ratu Isabel lair tahun 1451 ing kutha Madrigal, kerajaan Kastilia (kalebu wewengkon Spanyol).[1] Wiwit cilik, Isabel éntuk piwulngan agama Katulik kang ketat, mula dhèwèké ngrasuk agam Katulik kanthi taat.[1] Sedulur kwalone, Henry IV dadi Ratu ing Kastilia saka taun 1454 nganti sedane, taun 1474.[1] Nalika iku ora ana Kaprajan Spanyol.[1] Tlatah Spaynol saiki pecah dadi patang tlatah.[1] Kastilia kang paling gedhe, Aragon ing sisih lor Spanyol kang saiki, Granada ing sisih kidul, lan Navarre ing sisih lor.[1]

Ing pungkasan taun 1949, Isabel kang dadi pewaris Kaprajan Kastilia dadi rebutan pangeran saka tlatah liya.[2] Henry IV nduwé kekarep yèn Isabel dhaup karo Ratu Portugis, anaging dhèwèké ora gelem lan milih dhaup karo Ferdinand, pewaris Kaprajan Aragon.[3] Amarga nesu karo Isabel, Henry IV milih anake, Yuana supaya dadi ratu ing Kastilia, anaging sawise Henry IV seda, Isabel nuntut kaprajan saka Yuana.[3] Kahanan iki nyebabake anane perang sedulur.[3] Sasi Februari 1479 Isabel menang. Kejaba iku Ferdinand uga munggah tahta lan mimpin Aragon.[3]

Inkuisisi[besut | besut sumber]

Ing panguwasane Ratu Isabel, Spanyol nduwèni pengadilan kang dipimpin déning Tomas de Torquemada, salah sawijining pendheta kang fanatik.[4] Pengadilan iki minangka forum gerejani, kumpulning para hakim, juri, jaksa penuntut lan penyelidik kepulisian.[4] Wong kang didakwa ing pengadilan iki wis ora bisa mbela awake dhewe.[4] Kang didakwa uga ora diwenehi ngerti apa salahe uga dipeksa supaya ngaku.[4] Pengadilan iki ditujokake kanggo ngukum wong kang nglawan pamaréntah, oposisi, lan wong kang ngrasuk agama saliyne Katolik ya iku Yahudi lan Islam.[4]

Kudu Ngrasuk Katulik[besut | besut sumber]

Tahun 1492, awit saka omongae Torquemada, Ferdinand lan Isabel nandatangani dekrit kang isine mrentahake kabèh Yahudi Spanyol mlebu Kristen utawa metu saka Spanyol sajrone patang sasi, tanpa oleh nggawa bandha sanajan mung secuil.[5] Kahanan iki nyebabake Spanyol kelangan wong kang seregep lan wasis ing babagan dagang saengga Spanyol mundur perekonomiane.[5]

Nalika Granada nyerah, Isabel menehi kebebasan kanggo kaum Muslimin kang ana ing Spanyol supaya oleh ngibadah miturut agama Islam.[5] Anaging Spanyol mlenjani janji.[5] Taun 1502 kabèh kaum Muslimin kang ana ing Spanyol dipeksa ngrasuk Kristen utawa lunga saka Spanyol, kayadene kang dialami denin Yahudi.[5]

Ekspedisi Columbus[besut | besut sumber]

Ing jaman pamarentahane Isabel, Christopher Colombus nemokake bawana Amérika ing taun 1492.[5] Ekspedisi Colombus iki disponsori déning kerajaan Kastilia.[5]

kulawarga[besut | besut sumber]

Isabella seda taun 1504.[3] Isabel nduwèni putra dan papat putri. Putranne Yuan seda taun 1497.[3] Puterine kang paling kawentar ya iku Yuana.[3] Ferdinand lan Isabella njodhokake Yuana karo Philip I, puterane Kaisar Hapsburg Austria lan minangka ahliwaris Kerajaan Burgundy.[3] Putune Isabel, Raja Charles V, marisi salah sawijining kaprajan kang paling gedhé ing sejarah Éropah.[3] Charles V uga kepilih dadi Kaisar Roma lan minangka wong kang paling sugih lan raja kang paling kuwat ing jamane.[3] Laladan kang ana ing panguwasane kalebu Spanyol, Jerman, Negeri Walanda, Belgia, Austria, Swiss, mayoritas Italia, saperangan Perancis, Cekoslowakia, Polen, Honggaria, lan Yugoslavia kanthi tambahan mayoritas laladan Amerika Selatan.[3]

Cathetan suku[besut | besut sumber]

  1. ^ a b c d e f (id) [1] (diunduh tanggal 21 Februari 2011)
  2. ^ (id) [www.vhrmedia.com/Ratu-Isabella-Malas-Mandi-tahukah-anda404.html] (diunduh tanggal 21 Februari 2011)
  3. ^ a b c d e f g h i j k (id) Hart, Michael H. 1982. Seratus Tokoh yang Paling Berpengaruh dalam Sejarah
  4. ^ a b c d e (id) Indotoplist.com (diunduh tanggal 21 Februari 2011)
  5. ^ a b c d e f g (id) Situs Universitas Pancasila (diunduh tanggal 21 Februari 2011)