Isabel Allende

Saka Wikipédia Jawa, bauwarna mardika basa Jawa
Isabel Allende
Lair (1942-08-02) Agustus 2, 1942 (umur 81)
Lima, Peru
PakaryaNovelis
BangsaChili
Amérikah Sarékat
Obahan sastraRealisme magis
Karya gedhéThe House of the Spirits
Situs jaringan
[1]

Isabel Allende Llona (lair ing Lima, Peru, 2 Agustus 1942; umur 81 taun) inggih punika salah satunggaling pengarang Chili ingkang buku-bukunipun sampun dipunterjemahaken wonten ing kathah basa. Allende inggih punika salah satunggaling novelis ingkang paling kondhang wonten ing donya sapunika, lan buku-bukunipun sampun langkung saking 35 juta kopi ingkang kasadé lan dipunterjemahaken wonten ing 27 basa.[2]

Allende miyos wonten ing Lima, Peru, wonten ing kulawarga diplomat Tomás Allende ingkang nalika punika dados duta besar Chili ing mrika. Piyambakipun minangka keponakan saking Salvador Allende, Présidhèn Chili nalika taun 1970 dumugi taun1973. Wonten ing taun 1945, tiyang sepuhipun crah, lan ibunipun kaliyan 3 sadhèrèkipun pindhah malih dhateng Chili, lan dumunung wonten ing mrika dumugi taun 1953.[3]

Kulawarga punika lajeng pindhah dhateng Bolivia lajeng pindhah dhateng Lebanon. Nalika wonten ing Bolivia, Allende sinau wonten ing sekolah swasta Amérika, lan déné wonten ing Lebanon piyambakipun sinau wonten ing sekolah swasta Britania wonten ing Beirut. Piyambakipun kondur malih dhateng Chili taun 1958 saperlu mungkasaken pendidikan menengahipun, lan wonten ing mrika kapanggih kaliyan garwanipun ingkang kaping pisan, Miguel Frías, lan kekalihipun palakrama taun 1962.

Saking taun 1959 dumugi taun 1965, Allende nyambut damel wonten ing Organisasi Pangan lan Pertanian (FAO) PBB wonten ing Santiago, lan ugi wonten ing ing Brussel, Bèlgi, lan manéka papan sanèsipun wonten ing Éropah. Putrinipun, Paula, miyos taun 1963. Taun 1966, Allende wwangsul malih dhateng Chili, lan putranipun, Nicolás, miyos taun punika.. Buku Allende, Paula (1994), inggih punika kenangan masa alitipun ingkang nggugah wonten ing Santiago, lan taun-taunipun wonten ing pembuangan.[4] Buku punika dipunserat wonten ing wujud serat dhateng putrinipun, Paula, ingkang kabaring koma wonten ing griya sakit (piyambakipun séda amargi porfiria taun 1992). Kajawi The House of Spirits lan Paula, judhul-judhul bukunipun ingkang sanès inggih punika:

  • La gorda de porcelana (1984)
  • Of Love and Shadows (1984)
  • Eva Luna (1987)
  • The Stories of Eva Luna (1989)
  • The Infinite Plan (1991)
  • Afrodite (1997)
  • Daughter of Fortune (1999).
  • Portrait in Sepia (2000)
  • City of the Beasts (2002)
  • My Invented Country (2003)
  • Kingdom of the Golden Dragon (2004)
  • Forest of the Pygmies (2005)
  • Zorro: A Novèl (2005)

Cathetan suku[besut | besut sumber]