Indradi

Saka Wikipédia Jawa, bauwarna mardika basa Jawa

Ing wiracarita Ramayana, Ahalya (basa Sanskerta|Sanskerta: अहल्या; Ahalyā) utawa Indradi yaiku bojoné Resi Gautama. Tembung Ahalya ateges "kang ora ngalami pangowahan" (awèt nom, abadi). Ahalya manggon ana ing siji asrama bebarengan karo Resi Gautama. Dhèwéké duwé rupa kang ayu banget, mula Déwa Indra dadi kasengsem.

Kutukan Resi Gautama[besut | besut sumber]

Ing sawijing dina, nalika Resi Gautama ninggal asramané, Déwa Indra nyamar lan kanthi nepsu dhèwéké ngrayu Ahalya. Ahalya ngerti sapa kang ngupaya ngrayu dhèwéké amarga mata batiné kang landhep, nanging dhèwéké kapusan déning ayuné dhèwéké dhéwé mula dhèwéké ménéhi kepuasan marang Indra. Nalika Resi Gautama teka, dhèwéké kaget amarga Ahalya wis terpengaruh godhané Indra. Resi Gautama banjur ngutuk Ahalya supaya tapa kanthi wektu suwé demi nebus dosané. Supaya Ahalya ora diweruhi, wujudé dadi watu. Resi Gautama uga kandha yèn candhaké putra Dasarata saka Ayodhya bakal ndolani asrama Resi Gautama, yaiku ing papan panggonane Ahalya nglakoni tapa, lan mbébasaké kutukané. Sawisé Ahalya dikutuk, Resi Gautama ninggal asramané lan lunga ing Himalaya saperlu tapa.