Imperiyalisme budaya

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Imperiyalisme budaya dumadi saka aspèk-aspèk budaya ing imperiyalisme. "Imperiyalisme" ing kéné ateges ciptaning lan pangrumating gegayutan kang ora satimbang antaraning kabudayan, kang tumiyung marang kabudayan kang luwih kuwasa. Mula, imperiyalisme budaya minangka lelaku manuhaké tur meksakaké siji budaya, kang lumrahé saka bangsa kang kuwat ing pulitik, marang bebrayan kang kurang kuwasané; utawa hégemoni budaya déning nagara-nagara kang mrabawani ing babagan ékonomi utawa nagara-nagara indhustri kang nemtokaké aji-ajining budaya lan ndadèkaké kabudayan-kabudayan sajagat padha sawarna. Tembung iku kanggo mligi ing babagan sajarah, pasinaon budaya, lan téyori poskoloniyal. Adaté, tembung iku ngemu surasa péyoratif (ala, ngasoraké) kanggo nulak pangaribawané. Imperiyalisme budaya bisa wujud ing manéka rupa, kaya ta pratingkah, niti resmi, tindak militèr, kanggo mikuwati hégemoni budaya.

Ing sajarah[besut | besut sumber]

Sanajan tembung mau kawanuhaké ing taun 1960-an, lan dianggo déning para kang nyengkuyung kanggo ngarani hégemoni budaya ing jagat poskoloniyal, imperiyalisme budaya uga kaanggo tumrap mangsa-mangsa kang adoh kapungkur.

Rum kuna[besut | besut sumber]

Kamaharajan Rum wis katitik minangka conto kawitan babagan imperiyalisme budaya.

Rum kawitan, nalika neluk Itali, ngaworaké wong Ètruria marang kabudayan Rum kanthi ngganti basa Ètruska mawa basa Latin, kang njalari patiné basa lan manéka aspèk kabudayan Ètruska.[1]

Romanisasi budaya katrapaké kalawan peksa ing wewengkon-wewengkoning kamaharajan Rum sanajan "akèh wewengkon kang suthik nampa budaya Rum kang minangka wujuding imperiyalisme budaya."[2] Contone, nalika Yunani teluk déning bala Rum, Rum mbudidaya ngowahi budaya Yunani supaya laras marang cita-citaning Rum. Contoné, adaté wong Yunani kang wuda nalika ulah raga miturut juru nulis Rum ingaran kang njalari wong Yunani madoni lan dadi batur tukon.[3] Conto iku ingaran gegayutan karo conto modhèren imperiyalisme Éropah ing nagara-nagara Afrikah, kang disaranani Slavoj Zizek ing pangrembugé babagan 'panandha kang suwung'.[4]

Pax Romana (mangsa jenjeming Rum) kalakon ing wewengkoning kamaharajan amarga "akulturasi kapeksakaké marang wong-wong kang budayané manéka rupa kang kasil diteluk Rum."[1]

Cathetan sikil[besut | besut sumber]

  1. a b Kolb, RW., Encyclopedia of Business Ethics and Society, SAGE Publications, 2007, p. 537.
  2. Ermatinger, JW., The Decline and Fall of the Roman Empire, Greenwood Publishing Group, 2004, p.1.
  3. Goldhill, S., Being Greek Under Rome: Cultural Identity, the Second Sophistic and the Development of Empire, Cambridge University Press, 2006, pp. 2 & 114.
  4. Sabrin, Mohammed (2013). "EXPLORING THE INTELLECTUAL FOUNDATIONS OF EGYPTIAN NATIONAL EDUCATION" (PDF). 

Pranala njaba[besut | besut sumber]