Hachiko: A Dog's Story

Saka Wikipédia Jawa, bauwarna bébas abasa Jawa
Hachiko: A Dog's Story
Hachikoq.jpg
Poster biyoskup di Jepang
Disutradarani Lasse Hallström
Diprodhuseri Richard Gere
Bill Johnson
Vicki Shigekuni Wong
Ditulis déning Stephen P. Lindsey
Dibintangi Richard Gere
Joan Allen
Sarah Roemer
Erick Avari
and Jason Alexander
Dimusiki Jan A. P. Kaczmarek
Dibesut déning Kristina Boden
Perusahaan
prodhuksi
Hachiko,LLC
Grand Army Entertainment,LLC
Opperman Viner Chrystyn Entertainment
Scion Films
Dibabar déning Amérika Sarékat:
Stage 6 Films
Jepang:
Inferno Production
Suwéné
104 menit.
Nagara Amérika Sarékat
Basa Inggris
Rantaman AS$16 juta[1]

Hachiko: A Dog's Story, ya iku filem drama Amérika Sarékat produksi taun 2009 sing caritané dijupuk saka carita nyata asu jinis Akita Inu jenengé Hachikō. Film iki minangka gawéan manèh saka filem Jepang Hachikō Monogatari produksi taun 1987. Lasse Hallström minangka sutradara kanggo filem sing dibintangi Richard Gere, Joan Allen, lan Sarah Roemer.

Ing Amérika Sarékat, pemutaran perdana filem iki dilakokaké ing Festival Film Internasional Seattle, 13 Juni 2009. Pemutaran perdana ing njaba Amérika Sarékat dilakokaké ing Jepang tanggal 8 Agustus 2009. Peredaran ing biyoskup-biyoskup Amérika Sarékat ora sida dilakokaké. Film iki langsung dirilis dadi DVD déning Sony Pictures Entertainment tanggal 9 Maret 2010.[2] Wiwit pertengahan 2009 nganti 2010, filem iki dirilis ing punjul 20 nagara lan teritori.[2] Pemutaran ing biyoskup Karajan Manunggal Raya diwiwiti tanggal 12 Maret 2010.[3] Nganti April 2010, Box Office Mojo ngétung pendapatan kotor filem iki wis ngancik punjul AS$41 juta.[4]

Dalan Carita[besut | besut sumber]

Film iki digawé saka carita nyata ing Jepang. Ing salah sawijiné kelas, ana bocah kang lagib prèsentasi ngèngingi pahlawané. Ronnie, nyeritakaké asu nduwéné simbahé. Ing salah sawijiné wengi, ing stasiun, Parker Wilson (Richard Gere) nemoaké anakan asu sing tiba saka kandhang gerbong barang saka Jepang tekan Amérika. Parker nggawa asu mau amarga mesaké. Parker lapor marang Carl supaya diumumaké sapa sing kelangan asu. Ing omah bojoné Parker, Cate (Joan Allen), ora seneng yèn Parker ngingu asu.

Ing stasiun, Parker takon marang Carl, jebul tetep ora ana sing arep jupuk asu mau manèh. Mula kanthi meneng-meneng, Parker ngajak asu mau numpa kreta lunga ing papan panggonan kerjané. Ing kantor, Parker dikandhani kancané sing wong Jepang ya iku Ken. Yèn tandha kalung ing gulu asu mau macané Hachiko ing basa Jepang sing tegesé nasib apik. Mula Parker njenengaké asu mau kanthi jeneng 'Hachi'. Ken ngomong yèn ketemuné Parker lan asu mau iku wis takdir.

Ing telepon, ana wong kang pengèn ngepèk Hachi, ananging Cate menging, amarga delenng Parker saya cedhak karo Hachi. Hachi saya setya marang Parker. Ananging Parker gumun, amarga Hachi ora nduwé prilaku kaya adat asu lumrahé. Dhèwèké ora gelem yèn dijak dolanan bal. Ken ngandhani yèn asu jinis Akhita gelem dolanan bal yèn ana perkara sing istiméwa. Ing sawijiné ésuk, dumadakan Hachi ngoyak Parker sing lagi lunga menyang kantor. Hachi ngetutaké Parker nganti tekan stasiun. Parker ngeteraké Hachi bali mulih manèh, ananging Hachi tetp waé mèlu lunga stasiun. Mula wiwit dina iki nganti sak terusé Hachi ngeter lan njemput Parker ing stasiun. Nanging ing salah sawijiné dina, Hachi wegah ngeteraké Parker nganti ditinggal Parker lunga menyang stasiun. Dumadakan Hachi teka kanthi nggawa bal, iku ora tau dilakokaké Hachi. Hachi njaluk dolanan bal. Nanging Parker tetep mangkat makarya kanggo ngajar. Nalika isih ngajar, Parker nggawa balé Hachi, lan tiba amarga serangan jantung lan mati.

Ing stasiun, Hachiko kanthi sabar ngentèni Parker. Amarga Hachi ora weruh yèn Parker wis mati. Dhèwèké ngentèni lan ngentèni nganti Michael (mantuné Parker) marani ing satsiun. Amarga ditinggal mati bojoné, Cate ngedol omahé lan nitipaké Hachi marang anaké ya iku Andy. Hachi digawa bali menyang omahé Andy lan Michael sing nembé nduwé bayi ya iku Ronnie. Ananging Hachi mlayu lunga menyang omahé Parker biyèn, amarga sing manggoni wis béda, mula Haci mlayu menyang stasiun manèh. Saben sore dhèwèké wis ngentèni Parker, duwé kekarepan yèn Parker bisa bali lan metu saka stasiun. Wong dodol panganan ing stasiun langganané Parker biyèn makani Hachi nganggo daging hotdog. Andy methuk Hachi manèh, ananging Hachi diculaké manèh. Hachi turu ing gerbong kreta sing wis rusak, dhèwèké mangan saka wènèhan wong liya. Ing sawijiné dina, wartawan arep ngliput kabar ngéngingi Hachi. Mula sawisé terbit kalawarta mau, akèh wong sing nyumbang kanggo uripé Hachi. Nganti Ken kancané Parker ngerti lan bakal mbiyayani mangané Hachi. Sinaosa wis setaun Parker mati, Hachi tetp kepengèn ketemu karo dhéwéké.

Nganti pirang-pirang taun, hachi tetep ngentèni Parker ing stasiun mau. Nganti Cate, nalika ziarah ing kuburané Parker ketemu karo Ken. Wis sepuluh taun iki Cate durung bisa nglalékaké Parker. Cate lunga menyang stasiun lan kagèt nalika weruh yèn Hachi isih ngentèni ing kono. Hachi wis kanton, tuwa, rusuh, lan lemes tetep setya ngentèni Parker. Cate bali ing omahé Cate lan carita marang Ronnie sing umuré wis 10 taun. Ing wengi iku Hachi tetep ngentèni ing papan panggonan lumrahé, nggoné turu lan angler, mimpi yèn ketemu Parker manèh.

Asu Hachiko sing sakbeneré, lair ing Odate, Prefektur Akita, Jepang ing taun 1923. Sawisé sing nduwé sing jenengé Dr. Eisaburo Ueno, salah sawijiné dhosèn ing Universitas Tokyo séda ing sasi Mèi 1925, Sesoké Hachi mbalik ngentèni balike majikané ing Stasiun Shibuya. Dhèwèké terus ngentèni, lan ngentèni nganti 9 taun. Hachiko pungkasané mati ing sasi Maret 1935. Patung Hachiko saka perunggu, saiki bisa ditemoni ing panggonané biyasa ngentèni ing njaba Stasiun Shibuya, Tokyo.

Ingkang maragani[besut | besut sumber]

Produksi[besut | besut sumber]

Film iki dijupuk latar belakangé ing Amérika Sarékat jaman modhèren, lan ora ing Jepang ing jaman Showa kaya carita asliné.

Njupué gambar rata-rata dilakokaké ing Bristol lan Woonsocket, Rhode Island. Lokasi liyané kalebu Universitas Rhode Island ing Kingston, Providence lan Worcester Railroad Mechanical, lan Columbus Theater ing Providence, Rhode Island.[6]

Cathetan sikil[besut | besut sumber]

  1. ^ Gregg, Katherine. "Film folks eat well on state’s tab". projo.com. Dijupuk 2012-11-19. 
  2. ^ a b "Release dates for Hachiko: A Dog's Story". IMDb. Dijupuk 2012-11-19. 
  3. ^ "Hachi: A Dog's Tale". Odeon. Dijupuk 2012-11-19. 
  4. ^ "Hachiko: A Dog's Story". Dijupuk 2012-11-19.  line feed character ing |title= ing posisi 9 (pitulung)
  5. ^ a b Michael Fleming (2007-12-10). "Joan Allen fetches a 'Dog's' tale". Variety. Dijupuk 2012-11-19. 
  6. ^ "Filming locations for Hachiko: A Dog's Story". IMDb. Dijupuk 2012-11-19.  line feed character ing |title= ing posisi 22 (pitulung)