Grahana srengéngé

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Grahana Srengéngé tanggal 29 Maret 2006.

Grahana srengéngé kadadosan nalika posisi Bulan wonten ing antaraning Bumi lan Srengéngé saéngga nutup sabagéyan utawi sadaya cahya Srengéngé. Éwadéné Bulan langkung alit, ayang-ayangipun Bulan saged nglindhungi cahya Srengéngé sapenuhipun amargi Bulan ingkang tebihipun kirang langkung 384.400 kilometer saking Bumi langkung celak kabandhingaken Srengéngé ingkang nggadhahi tebih kirang langkung 149.680.000 kilometer.

Grahana Srengéngé saged kabagi dados tigang jinis inggih punika: grahana total, grahana sabagéyan, lan grahana cincin. Grahana Srengéngé dipunsebat grahana total menawi puncak grahana, piringan Srengéngé katutup sapenuhipun déning piringan Bulan. Ing wekdal punika, piringan Bulan sami agengipun utawi langkung ageng saking piringan Srengéngé. Ukuran piringan Srengéngé lan piringan Bulan piyambak malih-malih gumantung ing tebihipun jarak Bumi-Bulan lan Bumi-Srengéngé.

Grahana sabagéyan dumados menawi piringan Bulan (wekdal puncak gerhana) namung nutup sabagéyan saking piringan Srengéngé. Ing grahana punika, mesthi wonten bagéyan saking piringan Srengéngé ingkang boten katutup déning piringan Bulan.

Grahana cincin dumados menawi piringan Bulan (wekdal puncak gerhana) namung nutup sabagéyan saking piringan Srengéngé. Grahana jinis pinika kedadosan menawi ukuran piringan Bulan langkung alit saking piringan Srengéngé. Saéngga nalika piringan Bulan wonten ing ngajeng piringan Srengéngé, boten sadaya piringan Srengéngé badhé katutup déning piringan Bulan. Bagéyan piringan Srengéngé ingkang boten katutup déning piringan Bulan, wonten ing sakeliling piringan Bulan lan katon mèmper cincin ingkang sumunar.

Grahana Srengéngé boten saged kadadosan langkung saking 7 menit 40 dhetik. Nalika grahana Srengéngé, tiyang dipunlarang ningali Srengéngé kanthi mata telanjang amargi saged ngrisak mripat sacara permanén lan njalari wuta.

Ngamati Grahana Srengéngé[sunting | besut sumber]

Grahana Srengéngé taun 1999 ing Prancis

Ningali sacara langsung tumuju fotosfer Srengéngé (bagéyan cincin padhang saking Srengéngé) éwadéné namung sapérangan dhetik saged njalari karisakan permanén retina mripat amargi radiasi tinggi ingkang boten katon ingkang dipunpancaraken saking fotosfer. Karisakan ingkang katimbulaken saged njalari wuta. Ngamati grahana Srengéngé mbetahaken pelindhung mripat khusus utawi kanthi ngginaaken métode ningali sacara boten langsung. Kaca mripat sunglasses boten aman kaginaaken amargi boten nyaring radiasi inframerah ingkang saged ngrisak retina mripat.

Delengen uga[sunting | besut sumber]

Pranala jawi[sunting | besut sumber]