God Save the King
God Save the King (Tuhan Nglindhungi Sang Raja) utawi God Save the Queen (Tuhan Nglindhungi Sang Ratu) inggih punika lagu kabangsaan Britania Raya lan salah satunggaling lagu kabangsaan paling sepuh ing donya. Judhulipun gumantung dhumateng jinis kelamin pangwasa ingkang lenggah ing dhampar.
Judhul
[besut | besut sumber]Menawi pangwasa punika raja, ingkang dipunginakaken inggih punika God Save the King. Menawi ratu, dados God Save the Queen. Tembung ing salebeting lirik ugi dipunsesuaikaken, kados ta he/his dados she/her.
Sajarah
[besut | besut sumber]Lagu punika wiwit misuwur ing taun 1745 nalika dipunsebaraken ing majalah musik lan dipunpagelarakaken ing téater London. Panganggit lan komponisipun dereng mesthi; asring dipunkaitaken kaliyan Henry Carey, nanging boten wonten bukti ingkang cetha.
Sanadyan dados lagu kabangsaan, boten wonten undhang-undhang resmi ing Britania Raya ingkang netepaken lagu punika minangka lagu kabangsaan. Statusipun dumados lumantar tradhisi lan pakulinan.
Panggunaan
[besut | besut sumber]Saliyane dados lagu kabangsaan Britania Raya, melodi punika ugi dipunginakaken déning sawatara nagari sanès:
- Liechtenstein – Oben am jungen Rhein
- Kakaisaran Jerman – Heil dir im Siegerkranz (jaman kakaisaran)
- Kakaisaran Rusia – Molitva russkikh (abad kaping-19)
- Amerika Sarékat – My Country, 'Tis of Thee (sadurunge The Star-Spangled Banner)
Ing babagan olahraga internasional, saben bangsa konstituen Britania Raya kadhangkala gadhah lagu piyambak:
- Inggris – asring ngginakaken Jerusalem
- Skotlandia – Flower of Scotland
- Wales – Hen Wlad Fy Nhadau