Glathik jawa

Saka Wikipédia Jawa, bauwarna mardika basa Jawa
Gelatik Jawa
Klasifikasi ngèlmiah
Karajan: Animalia
Filum: Chordata
Klas: Aves
Ordho: Passeriformes
Famili: Estrildidae
Génus: Padda
Spésies: P. oryzivora
Jeneng binomial
Padda oryzivora
Linnaeus, 1758

Glathik Jawa, glathik bélong utawa Padda oryzivora ya iku manuk ocèh-ocèhan ukuran cilik, kanthi dawa watara 15 cm, nduwèni endhas ireng, pipi putih lan cucuké gedhe. Manuk kang wis diwasa wuluné rupa klawu, wulu telih soklat semu abang, sikil jambon lan rupa abang ing saubenging mata, tumrapé manuk lanang lan wadon ora béda.

Manuk iki èndhemik Indonésia, lan tinemu ing ara-ara sesuketan, sawah, lan tegalan ing pulo Jawa lan Bali. Saiki manuk iki wis tinemu ing saindenging donya pinangka manuk pethetan.

Manuk iki urip nggrombol, uripé alihan, pakané wujud wewijen mligi pari, woh-wohan lan gegremet. Nalika ngendhog 4-6 iji, diangkremi manuk lanang lan wadon.

Amarga rupa lan swarané kang apik, manuk iki banjur disenengi kanggo klangenan. Amarga dibedhag, rusaké ara-ara sesuketan lan alas, ilangé papan urip, manuk iki banjur tansaya susut cacahé lan dikuwatirake bakal nemoni cures ana ing papan uripé.

Glathik jawa diwasa, ing Hawaii
Glathik jawa enom, ing Hawaii

Gelatik Jawa dievaluasi rentan ing dhaptar IUCN Red List sarta didhaptaraké ing CITES Appendiks II.

Pranala njaba[besut | besut sumber]