Gerson Poyk

Saka Wikipédia Jawa, bauwarna mardika basa Jawa
Gerson Poyk

Gerson Poyk inggih punika salah satunggaling sastrawan Indonésia ingkang miyos wonten ing Namodele, Pulo Rote (Timur), Nusa Tenggara Timur, ing tanggal 16 juni 1931. Gerson Poyk inggih putranipun Yohannes Laurens Poyk saha Yuliana Manu.[1] Gerson Poyk naté pedhot sekolahipun nalika piyambakipun kelas 3 SD, lajeng piyambakipun mbiyantu kulawarganipun ingkang makarya ing kebon. Ing wekdal ingkang selo, Gerson ingkang sampun saged maos punika lajeng asring maos buku-bukunipun para sastrawan saking lebet nagari lan saking njaban rangkah Indonésia.[2] Gerson Poyk wiwitan nyerat puisi ing taun 1950 –an, lajeng aktip nyerat karya-karyanipun ingkang awujud prosa ngantos sapunika. Ing taun 1961, cerpenipun kanthi irah-irahan Mutiara di Tengah Sawah pikantuk bebungah saking kalawarta sastra. Sesarengan kaliyan carkak Si Keong, cerpenipun kamot wonten ing antalogi Cerpen Indonesia Modern ing basa Jerman.

Padamelanipun[besut | besut sumber]

Sasampunipun lulus saking Sekolah Guru Atas, Surabaya ing taun 1956 Gerson Poyk lajeng ndhèrèk “International Writing Program” ing University of Iowa, Iowa City, Amérikah Sarékat ing taun 19701971. Lajeng piyambakipun makarya dados guru SMP saha SGA ing Ternate, Maluku ing taun 1956-1958 saha ing Bima, Sumbawa ing taun 1958. Lajeng piyambakipun dados wartawan Sinar Harapan saking taun 19621970.[3] Kajawi punika, piyambakipun ugi naté ndhèrèk seminar sastra ing India ing taun 1982. Gerson Poyk lajeng dados panulis lepas kanggé sapérangan kalawarta, saha koran ing nusantara, saha nyerat carkak lan novèl ugi.

Bibiliography[besut | besut sumber]

Tuladha asiling karya ingkang sampun dipunwedalaken déning Gerson Poyk, ing antawisipun inggih punika:[4]

Karya Novèl[besut | besut sumber]

  • Hari-Hari Pertama (1968),
  • Sang Guru (1971),
  • Cumbuan Sabana (1979),
  • Giring-Giring (1982),

Karya Cerpen:[besut | besut sumber]

  • Matias Akankari (1975),
  • Oleng-Kemoleng & Surat-Surat Cinta Rajagukguk (1975),
  • Nostalgia Nusatenggara (1976)
  • Jerat (1978),
  • Bawah Matahari Bali (1982),
  • Requim Untuk Seorang Perempuan (1981),
  • Mutiara di Tengah Sawah (1984),
  • Impian Nyoman Sulastri dan Hanibal (1988),
  • Poli Woli (1988),

Penghargaan[besut | besut sumber]

  1. Cerpen Mutiara di Tengah Sawah pikantuk bebungah Hiburan Majalah Sastra (1961),
  2. Cerpen Oleng-Kemoleng pikantuk pujian saking redaksi kalawarta Horison amargi badhé kapacak wonten ing kalawarta Horison (1968),
  3. Beasiswa International Writing Program ing Universitas Iowa, Iowa City, USA (1970/1971),
  4. Pikantuk Bebungah Adinegoro (1985 dan 1986),
  5. Pikantuk Bebungah Sastra ASEAN ing taun (1989),
  6. Anugerah Kebudayaan saking pamaréntah RI (2011),
  7. Penghargaan Pengabdian Seumur Hidup saking Kompas

Cathetan suku[besut | besut sumber]

  1. Poyk, Gerson. Di bawah Matahari Bali. Sinar Harapan, 1982, Jakarta. Kaca 193.
  2. http://www.suarapembaruan.com/home/gerson-poyk-puisi-menjadi-energi-spiritual/9783 Archived 2016-03-05 at the Wayback Machine.. Dipunundhuh tanggal 23 Januari 2013.
  3. [1][pranala mati permanèn] Empat Jam Bersama Gerson Poyk (dipunundhuh tanggal 23 Januari 2013)
  4. [2] Archived 2011-11-12 at the Wayback Machine. Seniman Sastra Gerson Poyk (dipunundhuh tanggal 23 Januari 2013)