George Harrison: Living in the Material World

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
George Harrison: Living in the Material World
Gambar:Livinginthematerialworldposter.jpg
Disutradarani Martin Scorsese
Diprodhuseri Olivia Harrison
Martin Scorsese
Nigel Sinclair
Dibintangi George Harrison
Sinématografi Robert Richardson
Martin Kenzie
Dibesut déning David Tedeschi
Dibabar déning HBO
Tanggal metu
  • 5 Oktober 2011 (2011-10-05)
Suwéné
208 min
Nagara United States
Basa Inggris

George Harrison: Living in the Material World nggih punika sesirah filem dokumenter saking Amérika Sarékat-Inggris taun 2011. Filem punika kaarahaken déning Martin Scorsese, dipun angkat saking cariyos nyata pagesangan anggota band Beatles, George Harrison. Filem kasil mlebet nominasi enem ageng salebetipun pasanggiri 64th Primetime Emmy Awards, nampi kalih bebungah Emmy Award lumantar kategori Outstanding Nonfiction Special lan Outstanding Directing for Nonfiction Programming. Juru damel filem punika kapasrahaken dhumateng Olivia Harrison sesarengan Martin Scorsese lan Nigel Sinclair. Wondéné tanggel jawab sinematografi kapasrahaken dhumateng Robert Richardson lan Martin Kenzie, lan pambesutan filem dipuncakaken déning David Tedeschi. George Harrison: Living in the Material World kababar ing surya 5 Oktober 2011, nampi pangalembana saking para juru kritik lan pamirsa, kados kapirsan wonten Rotten Romatoes ingkang matrélakaken bilih filem punika nggadhahi pandhemen dumugi 85 % adhedhasar saking pambijinipun 34 para profesional.[1]

Juru paraga[besut | besut sumber]

Pandamelan[besut | besut sumber]

Sasampunipun Harrison séda ing taun 2001, sapérang perusahaan pandamel filem sami sowan dhumateng randha almarhum Harrison, Olivia saperlu nyuwun dipunparengaken ndamel filem ingkang ngangkat pagesangan sémahipun. Olivia èstunipun mboten kepranan menawi pagesangan sémahipun dipunangkat lumantar filem. Nanging sasampunipun pinanggih kaliyan Scorsese, Olivia sarujuk lan tapak asma rancangan proyek punika minangka juru damel. Miturut Scorsese, piyambakipun sagah tapak asma amargi ingkang saweg badhé dipunangkat nggih punika pagesangan tiyang ingkang sampun tilar donya.[2][3]

Filem dokumenter punika, katepangaken kaping pisan nalika pahargyan Foundation for Art and Creative Technology wonten Liverpool surya 2 Oktober 2011.[4] Naté ugi kagiyaraken wonten stasiyun televisi HBO ing limang pérangan, surya 5 lan 6 Oktober 2011 wonten Amérika Sarékat lan Kanada[5][6] lan kalih pérangan wonten Arena mirunggan BBC Two surya 12 lan 13 November 2011 wonten Inggris.[7]

CD[besut | besut sumber]

Delengen uga: Early Takes: Volume 1

Sedaya lagu karipta déning George Harrison, kajawi ingkang wonten tandhanipun.

  1. "My Sweet Lord" (Demo) – 3:33
  2. "Run of the Mill" (Demo) – 1:56
  3. "I'd Have You Anytime" (Early Take) (George Harrison, Bob Dylan) – 3:06
  4. "Mama, You've Been on My Mind" (Demo) (Bob Dylan) – 3:04
  5. "Let It Be Me" (Demo) (Gilbert Bécaud, Mann Curtis, Pierre Delanoë) – 2:56
  6. "Woman Don't You Cry for Me" (Early Take) – 2:44
  7. "Awaiting on You All" (Early Take) – 2:40
  8. "Behind That Locked Door" (Demo) – 3:29
  9. "All Things Must Pass" (Demo) – 4:38
  10. "The Light That Has Lighted the World" (Demo) – 2:23

Buku[besut | besut sumber]

Olivia Harrison ndhèrèk nganggit buku sesarengan Mark Holborn lan Scorese kanthi sesirah Living in the Material World: George Harrison, ingkang dipunbabar taun 2011.[8]

Bebungah[besut | besut sumber]

Filem punika kasil menangi kalih bebungah wonten pasanggiri Primetime Emmy Awards, lumantar kategori Outstanding Nonfiction Special lan Outstanding Directing for Nonfiction Programming ingkang dipunparingaken dhumateng Martin Scorsese. Kajawi punika, ugi mlebet nominasi lumantar kategori Outstanding Cinematography, Picture Editing, Sound Editing, lan Sound Mixing.[9]

Rujukan[besut | besut sumber]

  1. "George Harrison: Living in the Material World (2011)". Rotten Tomatoes. Dijupuk 21 January 2016. 
  2. Carlick, Stephen (17 May 2010). "Martin Scorsese to Unveil George Harrison Documentary in 2011". Exclaim.ca. Dijupuk 7 March 2012. 
  3. George Harrison Documentary From Martin Scorsese - The New York Times
  4. "Scorsese's George Harrison film gets Liverpool premiere". BBC News. 15 September 2011. Dijupuk 19 September 2011. 
  5. "George Harrison: Living In The Material World Official Trailer Is Released". thebeatles.com. Dijupuk 31 August 2011. 
  6. "George Harrison: Living In The Material World". HBO Canada. Dijupuk 3 October 2011. 
  7. "George Harrison: Living In The Material World". BBC. Dijupuk 13 November 2011. 
  8. Harrison, Olivia & Holborn, Mark & Theroux, Paul (Introduction) & Scorsese, Martin (Foreword) (September 27, 2011). Living in the Material World: George Harrison (ed. First (Hardcover)). Abrams, Harry N., Inc. ISBN 9781419702204. 
  9. "George Harrison: Living In The Material World Awards & Nominations". emmys.com. 16 September 2012. Dijupuk 16 September 2012. 

Pranala njawi[besut | besut sumber]