Genta Raja Seongdeok

Saka Wikipédia Jawa, bauwarna bébas abasa Jawa

Koordhinat: 35°49′46.47″N 129°13′40.54″E / 35.8295750°N 129.2279278°E / 35.8295750; 129.2279278

Genta Raja Seongdeok

Genta Raja Seongdeok (성덕대왕 신종) inggih punika satunggaling genta perunggu raksesa ingkang wonten ing Gyeongju, Koréa Kidul.[1][2] Genta punika kalebet ingkang paling ageng ing Koréa. Genta mau nggandhul ing satunggaling paviliun plataran Musiyum Nasional Gyeongju, Provinsi Gyeongsang Utara.

Sajarah[besut | besut sumber]

Ugi dipunparingi nama Genta Emille, Genta Bongdeoksa utawiGenta Suci Raja Seongdeok, dipundamel awit saking préntahipun Raja Gyeongdeok (tahta 742-765), raja kaping 35 saking kraton Silla minangka wujud bakti dhumateng sang bapak, Raja Seongdeok (?-737, tahta 702-727). Raja Gyeongdeok séda sadèrèngipun genta punika rampun kadamel lan dipunlajengaken déning Raja Hyegong dumugi kapungkasan ing taun 771.[2]

Swantun genta[besut | besut sumber]

Genta Raja Seongdeok ngasilaken swantun ingkang anhap ananging saged betah dumugi tigang menit, durasi ingkang paling dangu ing donya. Nalika wanci dalu, dentang lonceng utawi genta saged mrambat kanthi tebih 3 km. Wonten ing Basa Silla, Emille ateges "ibu".[3] Miturut legenda, genta mau boten medalaken swantun nalika rampung kapisan. Pendéta kepala paring dhawuh supados genta mau dipunlèlèhaken malih lan miturut mimpinipun, piyambakipun nguncalaken setunggaling laré ing jeronipun.[3] Nalika genta rampung, swantunipun kados tangisan bayi ingkang swantunipun "emille".

Keunikan[besut | besut sumber]

Kanggé damel genta, kirang langkung mbetahaken 27 ton perunggu. Ananging tèhnik anggènipun damel taksih dados misteri déning para ilmuwan masa sapunika.[2] Genta kanthi ukuran sami saged dipundamel tanpa awrat, ananging kedah kaliyan pambiyantu tanur inggil lan perlengkapan modhèren. Genta kanthi dhuwur 3,75 mèter lan bobot dumugi 19 ton punika dipungandhulaken ngginakaken tangaki wesi kanthi diameter 8,5 cm. Nalika taun 1975 nalika dipunpindhah saking papan sadèrèngipun (Kuil Bongdeok) dhateng Museum Nasional Gyeongju, satunggaling usaha dipunlampahi kanggé nggantos tangkai ingkang sampun sepuh. Ananging dados awrat amargi cincin ing tangkai kanggé nggantung namung mawi diameèter 9 cm.

Cathetan suku[besut | besut sumber]

  1. ^ Emille bell, parandeul.
  2. ^ a b c Fifty Wonders of Koréa, Volume 1 - Culture and Art (PDF) (ed. 1). Korean Spirit & Culture Promotion Project. 2007. kk. 82–87. 
  3. ^ a b Gyeongju National Museum, lifeinkorea.

Pranala njawi[besut | besut sumber]