Gare Montparnasse

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Gare Montparnasse minangka salah satunggal saking 6 stasiun kreta api ageng wonten ing Paris, dumunung wonten ing aréa Montparnasse, ing arrondissement XVe.

Stasiun punika dipunginakaken kanggé kréta nuju Kilén lan Baratdaya Perancis, lan TGV nuju Tours, Bordeaux, Rennes, Nantes. Wonten ugi sawijininng stasiun angkutan cepet, lan trotoar lumaku kanthi kecepatn inggil.[1]

Sajarah[sunting | Sunting sumber]

Interior terminal TGV

Stasiun punika aslinipun dipunbikak taun 1840. Sawijining stasiun kaping kalih dipunbangun antawising taun 1848 lan 1852.

Gare Montparnasse dados kawéntar sasampuning prastawa medalipun rèl tanggal 22 Oktober 1895 wonten ing Granville-Paris Express ingkang medal saking ujung rèl. Kréta punika kabekta antawis 30 méter (98 kaki) sadawaning concourse stasiun, nabrak témbok kanthi kandel 60 sentimeter (24 inci), ngremukaken téras lan medal saking stasiun, pungkasanipun grana kréta madheg wonten ing Place de Rennes sakitar 10 meter (33 kaki) ing ngandhap témbok ingkang dipuntabrak. Sedaya panumpang wonten ing lebetipun slamet, 5 tiyang luka: 2 panumpang lan satunggal tukan mesin lan kalih kru kréta; kados pundi kémawon, satunggaling wanita séda ing margi déning kréta ingkang dhawah. Kacilakan punika dipunsebabaken déning rèm Westinghouse ingkang blong lan masinis ingkang mbuang-buang wekdal.[2] Masinis dipunddenda 25 franc lan tukang mesin 50 franc; piyambakipun ugi nglamapahi paukuman kunjara sadanguning 2 wulan.

Wonten ing tanggal 25 Agustus 1944, jenderal militer Jerman ing Paris, Jenderal Von Choltitz, masrahaken pasukanipun dhateng Jenderal Perancis, Philipe Leclerc ing sawijining stasiun kréta tau, sasampuning boten matuhi parèntah Adolf Hitler saperlu ngrisak Paris. Sadanguning 1960-an, sawijining stasiun ènggal ingkang tujuan kanggé sawijining komplek bangunan perkantoran dipunbangun. Taun 1969, stasiun tua punika dipunrubuhaken Tour Montparnasse dipunbangun ing situs kasebut. Sawijining perpanjangan dipunbangun taun 1990 saperlu dipunginakaken déning TGV Atlantique.

Budaya populèr[sunting | Sunting sumber]

Bangkai kereta Granville-Paris Express 22 Oktober 1895

Gambar lokomotif jumeneng kanthi grananipun medal wonten ing sampul album Lean into It saking band hard rock Mr. Big.

Cariyos babagan kacilakan jréta lan gambaripun medal ing novél laré-laré taun 2007, The Invention of Hugo Cabret déning Brian Selznick. Kathah cariyos ingkang kagungan latar belakang Gare Montparnasse lan sakitaripun.

Jalur regional ingkang ngllayani stasiun punika[sunting | Sunting sumber]

Stasiun metro paling caket:

Stasiun paling caket:


Cathetan Suku[sunting | Sunting sumber]

  1. ^ Walkway propels Paris metro into future - BBC article on the high-speed travelator
  2. ^ Let's pause for a station brake on Failure Magazine

Pranala Njaba[sunting | Sunting sumber]

48°50′24″N 2°19′07″E / 48.84°N 2.31861°E / 48.84; 2.31861

Sumber artikel punika saking kaca situs web: "http://jv.wikipedia.org/w/index.php?title=Gare_Montparnasse&oldid=843370"