Frankenweenie (filem 2012)

Saka Wikipédia Jawa, bauwarna mardika basa Jawa
Lakon-lakon ing Frankenweenie

Frankenweenie iku filem animasi 3D stop-motion taun 2012 ajénre fantasi, horor, lan kemidhi kang disutradarani Tim Burton lan diprodhuksi Walt Disney Pictures.[1] Filem iki minangka panganggep filem cekaké Burton taun 1984 kang nunggal jeneng lan dadi parodi lan séwakané filem Frankenstein dhedhasar buku Mary Shelley kang nunggal jeneng. Kanthi pangisi swara wong papat kang wis tau makarya bareng Burton ing filem kapungkur: Winona Ryder (Beetlejuice lan Edward Scissorhands); Catherine O'Hara (Beetlejuice lan The Nightmare Before Christmas); Martin Short (Mars Attacks!); lan Martin Landau (Ed Wood lan Sleepy Hollow).

Frankenweenie digiyaraké ireng putih. Filem iki uga dadi filem stop-motion angka 4 kang diprodhuksi Burton lan filem angka 1 non-musikal. Lakon carita nyeritakaké bocah lanang ajeneng Victor kang ditinggal mati asuné, Sparky. Victor nguripaké asuné manèh sarana daya listrik ning asuné dadi ora bisa dikontrol. Dhèwèké uga diancem karo kanca-kacané nèk wadiné (bisa nguripaké manèh kéwan-kéwan) arep disebar. Filem tongue-in-cheek (karepé guyon, ning kétok seriyus) ngamot akèh rujukan lan parodi kang gayutan karo bukuné, filem lawasé, lan karya klasik sastra liyané.

Rujukan[besut | besut sumber]

  1. Wheeler, Jeremy. "Frankenweenie". Allmovie. Dibukak ing 26 September 2012.