Forest Ray Moulton

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Forest Ray Moulton
Lair 29 April 1872
Le Roy, Michigan
Pati 7 Dhésèmber 1952
Wilmette, Illinois
Bangsa U.S.
Alma mater Universitas Chicago
Karièr ngèlmiah
Babagan astronom

Forest Ray Moulton (lair 29 April 1872 – pati 7 Dhésèmber 1952 ing umur 80 taun) iku sawijining astronom Amérika Sarékat.

Dhèwèké lair ing Le Roy, Michigan, lan olèh pendhidhikan awal ing Albion College. Sawisé lulus nalika taun 1894 (B.A.), dhèwèké nerusaké studi sarjanané ing Universitas Chicago lan olèh gelar Ph.D. taun 1899. Ing Universitas Chicago dhèwèké dadi associate babagan astronomi (1898-1900), instruktur (1900-03), asisten profésor (1903-08), associate profésor (1908-12), lan profésor wiwit 1912.

Dhèwèké bebarengan karo Thomas Chamberlin, wujud pendhukung saka hipotesis planetisimal Chamberlin-Moulton, kang nélakaké yèn planit wujud panunggalan saka wangun-wangun kang luwih cilik kang dijenengi planetisimal. Hipotesis iku mbutuhaké anané lintang liya liwat ing let kang cedhak kanggo micu dumadiné kondhènsasi iki, nanging konsèp mau wis ora olèh panyengkuyung manèh ing mangsa saiki.

Sajeroning sapérangan dékade awal abad angka 20, sapérangan satelit cilik anyar tinemu ana ing orbit sakiwa-tengené Yupiter. Moulton mrakirakaké yèn iki sabeneré asalé saka planetisimal kang kacekel déning gravitasi. Téyori mau wis ditampa kanthi becik déning para astronom.

Kawah Moulton ing Rembulan, metode Adams-Moulton kanggo mecahaké pepadhan diferènsial, lan babagan Moulton sajeroning géometri dijenengi dhedhasar jenengé.