Femmy Permatasari

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Femmy Permatasari
Femmy permatasari 051.jpg
LairFemmy Permatasari Tjandra
Pakaryanaktris
BojoIr. Samudera Djaya
AnakRichita Permata Jaya(2000)
Brigita Permata Jaya(2004)
Rainier Chang(2008)
Wong tuwaMax Kurniawan Tjandra dan Elly Tjandra

Femmy Permatasari Tjandra (lair ing Jakarta, 6 Dhésèmber 1973; umur 46 taun) ya iku salah sijiné juru main filem kang asalé saka Indonésia.[1] Femmy lair saka pasangan Max Kurniawan Tjandra lan Elly Tjandra.[1] Femmy miwiti kariré ing donyaning panglipur nalika taun 1996.[1] Nalika iku Femmy Permatasari dadi modhél ing Majalah Femina.[1] Saliyané dadi modhél ing kalawarta femina, Femmy uga dadi modhél ing kalawarta Film.[1] Sawisé iku Femmy éntuk kontrak ekslusif saka Multivision Plus.[1] Femmy dikontrak Multivision Plus nganti rong taun.[1]

Sinetron sepisanan kang dibintangi Femmy ya iku sinétron kang judhulé Gara-Gara, lan Tuyul dan Mbak Yul.[2] Femmy uga ngasah bakaté ing sekolah modhél Carry Model’s kang kabawah Adjie Notonegoro.[2] Saliyané iku Femmy Permatasari uga dadi modhél lan bintang sinétron.[2] Artis kang nduwéni katurunan Manado-Tionghoa iki uga dadi presenter acara Hidup Sehat Alami kang disiyaraké ing Metro TV.[2]

Saliyané kerep tampil ing acara-acara tivi, Femmy Permatasari uga dikenal kanthi jeneng Ratu Bazar.[2] Saliyané iku Femmy Permatasari uga nduwé perusahaan.[2] Perusahaan kang dinduwéni Femmy jenenge Femmy Eterprise.[2] Acara-acara bazar kang dianakaké Femmy Permatasari akèh éntuk panjurung saka artis-artis liyané.[2] Artis-artis kang njurung kagiyatan bazar iki kaya ta Nia Zulkarnaen, Diah Permatasari, Jamil Reza, Liza Nathalia, Aom Koesman, Fanny Bauty, lan Endang S. Taurina.[2] Saliyané iku, artis-artis iki uga padha mbukak stan ing bazar.[2]

Femmy nikah karo Ir. Samudera Djaya nalika tanggal 21 Fèbruari 1999.[1] Saka pernikahan iki, Femmy lan Djaya duwé anak kang cacahé telu ya iku Richita Permata Jaya kang lair taun 2000, Brigita Permata Jaya kang lair taun 2004 lan Rainier Chang kang lair taun 2008.[1]

Cathetan suku[besut | besut sumber]

  1. a b c d e f g h i Profil lan pawarta ing KapanLagi.com(dipunundhuh tanggal 10 Juli 2011)
  2. a b c d e f g h i j [ kompas.co.id(dipunundhuh tanggal 10 Juli 2011)